明报：卫诗雅讚未婚夫靓仔 学术艺术心灵上样样掂
卫诗雅（Michelle）前日（12日） 现身新城广播，接受谭玉瑛（阿谭）、何基佑及麦皓儿主持的《QK玉瑛室》访问，阿谭透露早年应张敬轩邀请，到他家中出席圣诞派对，因而结识Michelle，她说：“当日好多人，多人到都唔知见到边个，但Michelle嘅装扮好靓，顶帽又大又靓，吸引咗我望住佢，跟住就走埋去认识佢。”
Michelle指当时既惊且喜，没想过由细睇到大的谭玉瑛姐姐，会主动跟她聊天，她说：“阿谭同我想像中嘅唔同，以为佢会唔讲嘢、好严肃，但佢好nice，主动同我倾偈。”阿谭随即爆料：“当时Michelle男朋友都喺隔篱，又係好靓仔。”不过刚接受医生男友周祉安求婚的Michelle就尴尬澄清：“唔係嗰个，𠵱家我未婚夫仲靓仔，好惊，哈哈！”
问Michelle结识异性是否以靓仔为首选？她表示：“又唔係，要倾到偈，价值观要相近，同埋一定要有嘢我好崇拜佢。（未婚夫有什麽令你好崇拜？）任何嘢，我觉得佢好叻，每次问佢问题，无论学术、艺术或者心灵上，佢都解答到我，我係好感性嘅人，佢好理性，可以拉得住我。”
另外，Michelle十分好学，多年来考获导游、救生员、鑽石鑑证及船牌等，由于未婚夫做医美行业，她透露10月又会考美容及化妆品等美学应用，她说：“我未婚夫啲皮肤好好，又成日研究啲化粧品，我想跟到佢嘅步伐。”
