星岛：利颖怡狂鑽牛角尖匿埋喊足两星期 不甘主持《东张》被屈搏打吸收视
年前，36岁前“东张女神”利颖怡（阿忠）因採访遇袭致压力爆煲甩头髮，及后调入剧组发展。近月，她与无綫结束12年宾主关係，转投HOY TV。重提当日“鬼剃头”事件，她承认处理唔够成熟，亦因介意海量负评而鑽咗牛角尖，更试过匿埋喊足两星期，深受委屈。採访：方骞平 摄影：罗安强
本月初，利颖怡火速上任主持HOY TV《一线搜查》，即使重返老本行，她形容都係一个挑战，但肯定唔会再有被袭后阴影：“𠵱家大个女可以处理到，我向《东张》告别时，佢哋反而关心我仲有冇唔开心？”
压力爆煲变“鬼剃头”
回想两年前被袭，利颖怡强调被打係其次，最唔开心被屈，俾网民疯狂批评：“其实我都係尽力做好份工啫，点知俾人话我搏打吸收视，见到留言好愕然。”她更因此负能量爆晒灯，“呢段日子匿埋屋企喊足两星期，去剪髮时再有双重打击，因为髮型师发现我有‘鬼剃头’，有个5蚊银咁大嘅位置冇咗头髮，我再忍唔住爆喊。”
好彩喊能够释放情绪，总好过喺屋企胡思乱想鑽牛角尖：“不过都好，就係凭住呢鼓勇气重拾初心做演员，调入剧组拍咗多部剧集，都唔係冇得著，尤其唐诗咏及监制文伟鸿指导我演内心戏；诗咏教我要感受每场戏，有feel自然能表达，好记得同佢拍《白色强人》时，诗咏见我眼有泪光，主动要求take咗我个shot先，真係好照顾我。”
半年前阿忠喺《黑色月光》演一个较有发挥嘅角色，当中有3集爱情线：“满怀希望以为嚟料(机会到)，但结果都係冇乜嘢做，明白咁样都好难再等落去，亦坚拒返《东张》，唯有试下其他嘢，最想可以拍电影及网剧。”
