吴忻熹分享抗癌感受 每日社交网出Post令自己有生存价值
49岁前港姐季军吴忻熹（Nathaliie，前名吴文忻）日前向传媒透露乳癌复发，癌细胞有5至6cm，已达第三期并扩散至淋巴腺。已开始接受治疗的Nathaliie今天（18日）在社交平台发文，分享由本月6日第一次进行化疗及免疫冶疗开始，每天的身体变化及感受。她表示会趁有精神的时候拍片分享食疗及抗癌感受，称网友每一句支持的留言均是给予她正能量的推动力。
第一条影片中的Nathaliie声线沙哑，说话时不够气，亦不时咳嗽。她说︰“上星期做完第一次化疗同免疫治疗，把声都冇乜，失咗声，同埋讲嘢都冇乜气。因为已经包唔住，所以公布消息。嚟紧我会每日post Ig同社交平台去分享我呢个漫长嘅抗癌嘅历程。上个星期做完第一次治疗好辛苦，前所未有感到成个身体好似唔係自己，周身骨痛。我冇话冇胃口同呕，因为我食好多补充剂，但係感受到成个身体好似冧低咁。”
Nathaliie表示近日才把患病消息告之朋友，才发现原来身边总有1、2个朋友经历过癌症，于是彼此分享资讯。她续说︰“我上个礼拜做完第一次疗程之后，觉得点捱落去呢？仲有咁漫长嘅路。上个礼拜做完之后觉得唔得喎、好死喎、好辛苦喎，我係咪要同人哋分享吓呢啲资料，因为真係有好多人都经历紧呢样嘢，都係一个好好嘅资讯畀大家。不如我每日迫自己去做一啲嘢，令自己有存在价值，大家又透过社交平台知道我发生咩事。我得到佢哋嘅支持，对我嚟讲係呢段漫长路上一个好好嘅推动力。我每日迫自己去做一啲嘢，感觉冇咁死。希望我嘅资讯可以帮到大家，令自己有个生存价值，生命影响生命，一个正面啲嘅方法去面对。”
