《特勤女团》｜张曦雯自爆学罗毓仪Cosplay扮兔女郎 陈滢演女警 | 香港01
张曦雯、陈滢、罗毓仪今日（20日）出席新剧《特勤女团》拜神，她们三位是新剧当中的女团成员。讲到女团是否有身高差距，她们接受《香港01》 访问异口同声表示：“着平底鞋嘅时候每人都相差10 cm，着高踭鞋就会一样。”
罗毓仪率先透露新剧的角色形象：“我喺呢套剧好锺意Cosplay，对于卧底都充满幻想，知道警队就有招募紧卧底，佢就即刻攞咗封求职信过去，佢个人就比较爽朗直接，就有少少人来疯嘅状态，Keep住呢套剧嘅Energy都係好高。”
她继续指Cosplay都有很多造型，并表示：“有一个角色就叫做侦探虚拟动漫人物，但係有猫嘅耳朵。（会否很性感？）性感就交返俾张曦雯。”
张曦雯续说：“我哋三个女仔入边唯一一个唔係警察嘅，以一个专家嘅身份去破案，所以所有嘢都唔係好醒目，同埋搞笑。”至于是否性感演出，她笑言有一套服装需要Cosplay，并表示：“好似有个兔女郎嘅衫。”
陈滢透露自己在新剧是动作演员担当，她说：“我就係一个警察，如果（女团）有啲咩危险都係我负责，我哋三个人摆埋一齐就会突出咗女仔唔同嘅个性，同埋好有趣，好有喜感。”
被问到《痞子无间道》是否今年播出，她表示：“我未知道，呢啲都唔清楚，我都想快啲睇！”
