袁咏仪爆17岁儿子魔童想拍拖 感情事同张智霖倾最多：佢好多谂法 | 香港01
圈中模范夫妻张智霖（Chilam)、袁咏仪（靓靓）今（22日）身穿情侣装现身品牌活动，吸引不少民众围观。而在接受访问时，二人都有问必答，靓靓更自爆儿子魔童（张慕童）有情窦初开想法，他有爱情疑问时，大多都是找爸爸倾谈比较多。
Chilam同靓靓近年都将重心转移内地发展，而夫妻二人难得同为品牌代言人又久违合体在香港出席活动，他就开心表示：“不过其实日日都朝见口晚见面都唔会觉得陌生，我话冇咁陌生咋，新鲜感永远都有。”而他们二人均保养得宜，除了表明会进食天然食品之外，更会多做运动维持身材。
而提到Chilam生日即将来到会如何庆祝时，他就表示：“食吓饭，同家人团聚。”在旁的靓靓亦表示也是这样度过。而二人的生日日子相近，当问到靓靓生日会不会想收到包包时，Chilam就二话不说：“唔需要啦已经，过咗嗰个阶段。”但靓靓似乎不认同，她笑言：“冇咁嘅事，今年唔係好需要，唔好讲到咁绝对。只不过我觉得今年，尽量投入我哋新居嗰度，多啲精力、财力去令到间屋更加美满住得舒服，但係住落之后好舒服嘅时候呢，都偶尔可以继续收藏下一啲物质嘅。”Chilam听后都作状做出惊讶动作及表情，相当好笑。
另外，提到早前在马来西亚拍摄贺岁电影《OMG!阿妈有喜》，在戏中靓靓饰演意外怀孕的高龄妈妈，问到现实中会不会发生时，她就表示：“有一段时间好想嘅，但真係过晒个高龄，觉得算啦，好感恩自己有一个小朋友，可能命裡有时终须有，命裡无时莫强求。”在旁的Chilam就笑言叫她等抱孙。
而提到抱孙话题时，续问到儿子魔童现时有没有拍拖，靓靓就二话不说：“佢成日把口係讲想囉，佢见到啲同学仔拍拖，但又唔知点解佢好似好多谂法，我就成日同佢讲话‘唔紧要啦，你当识下朋友，依家做朋友可能过多几年就係男女朋友呢？都要俾啲时间大家相处下。’（仔仔同边个讲感情事比较多？）佢通常同Daddy讲多啲，但当佢遇到对一啲异性谂法问题嘅时候，佢就会问我嘅谂法。”他们对儿子恋爱是抱持开放态度。
