何雁诗讲凑仔经 江若琳冇勇气带囝囝搭飞机：怕佢喊成讨厌小朋友 | 香港01
江若琳（Elanne）和何雁诗（Stephanie）今日（23/8）现身观塘出席尹光《命硬八十》新歌发佈暨八十大寿生日会。Stephanie受访时表示：“年头我都有睇光哥嘅演唱会，见到佢而家都80岁，仲有咁强嘅魄力，仍然继续追寻自己嘅梦想，真係值得我哋敬佩，咁所以一阵我要同佢唱返首生日歌。”
Elanne透露每次与Stephanie碰面，双方都必定分享凑仔经：“其实我觉得佢好犀利，成日都会带个囝走围飞，而我到而家都冇呢个勇气，但9月我就会第一次带个囝去旅行。而家我係好惊到时我个囝会喺机上面不停咁喊，成为飞机上面最讨厌嘅小朋友，变咗我係好大压力，当我会同自己讲係另一个挑战，相信佢係冇问题嘅，咁所以我係要请教Stephanie。”
Stephanie接著说：“其实我个囝佢都有喺飞机上面喊嘅，人越大就会越麻烦嘅，而家就会开始喊，细个嘅时候就无乜。变咗我而家每次上到机嘅时候，我都会同周边嘅乘客讲声。而我最近都有见到啲人会送糖，咁都几好。始终小朋友都好难控制，因为佢唔明点解我哋要上飞机，就好似我个囝咁，咁所以我哋要学忍耐，唔好迫得个囝咁紧，咁所以我哋做妈妈个心一定要强壮。”
