明报：王晶忆最后一次见邱淑贞过程 否认曾伤害她 食死猫不解释
导演王晶昨天（24日）在其网上频道《王晶笑看江湖》上载新片，继续回忆与昔日绯闻女友邱淑贞的往事。王晶在影片中分享如何捧邱淑贞上位成为性感女神，以及后来邱淑贞因不满在电影《百分百啱FEEL》中的戏分比郑秀文少而心生嫌隙，令两人减少了合作，彼此愈走愈远。
他回忆最后一次与邱淑贞合作，其实不是《算死草》，而是关锦鹏执导的《愈快乐愈堕落》。王晶称邱淑贞的心愿是主演的戏能参加外国影展，因此担任幕后搞手，找来老同学关锦鹏为邱淑贞度身订做出《愈》片。
谈到邱淑贞曾表示王晶做了一件深深伤害了她而不可原谅的事，王晶罕有回应︰“其实我都唔知，我真係觉得冇，就算有，我相信係误会。不过，我係一个咁样嘅人。如果有人要指责我做咗某些事对佢唔住或者咩，我唔解释㗎，因为一个人可以咁样公开讲完，你点样解释，佢都唔会承认㗎喇，即係唔会改变佢嘅谂法㗎喇！我觉得咪由佢咁讲囉！（唔会可惜咩？）冇㗎，呢个世界所有关係都係去到一个地步，先讲话大家唔好继续喇嗰个人，一定係谂得好仔细，同埋一定係为自己竖立一啲帮自己呢边嘅理由。咁好朋友，我咪啃隻死猫囉，有咩所谓啫？”
王晶称没再与邱淑贞合作后，两人曾见过一次面。他表示当年曾介绍邱淑贞看一位中医，邱淑贞此后一直找那位中医求医。王晶回忆有天带方逸华到那名中医的诊所求医，在诊所内遇见当时已婚及怀了孕的邱淑贞。
他说︰“我客气埋去倾两句，佢都好客气，冇乜嘢，大家倾。我话︰‘你佗得好靓呀，仲係一啲水肿都冇。’佢话︰‘因为医生啦﹗’当日我带方逸华小姐去睇病，佢入咗去睇，我就坐喺度倾几句，但就开始觉得全医馆所有人都望紧我哋两个，咁我就行开。方小姐出嚟，我就陪佢走喇。嗰次係我最后一次见到佢同埋倾过偈，以后都冇乜特别来往，我亦觉得唔适合，唔应该来往。”
