环球小姐2024｜庄韵澄参选遇婚变被迫退选：无谓去骑劫个选美活动 | 香港01
庄韵澄（前名庄端儿）今日（2/9）现身尖沙咀为香港区“环球小姐2024”（Miss Universe 2024）记者招待会担任司仪。
庄韵澄接受《香港01》访问时表示：“其实我点只做司仪咁简单，我仲要係临时拉夫照顾一众候选佳丽，虽然辛苦，但都冇问题，因为佢哋都好易凑嘅。同埋其实我係好想选，但无奈咁啱嗰阵时又发生咗家事，变咗我无谓去骑劫个选美活动，所以我就退咗选。然后我就做咗凑女嘅工作同埋MC嘅工作。其实我未做过幕后嘅嘢，首次接触又觉得几好玩，因为可以学到唔同嘅嘢，令自己再识多啲嘢，成件事係好开心。”
对于早前宣布跟老公吕成忠关係决裂正式办理离婚手续，吕成忠继而在网台公开家中闭路电视影片力数她不是。庄韵澄感到无奈说：“其实见到啲片係有啲唔开心，如果佢真係识谂就唔会掟啲片出嚟，咁所以而家出手制止都冇用，而家都睇晒。（有冇考虑过出禁制令制止对方？）有考虑过，但唔想咁样做。（大家有冇联络？）係有嘅，因为要俾佢知个仔最新嘅情况。而佢喺电话中嘅情绪态度都正常嘅。”
