雷庄儿无悔离开TVB返加拿大做全职演员：当初选择冇错 | 香港01
香港区“环球小姐2024”（Miss Universe 2024）今日（2/9）于尖沙咀举行16强入围佳丽首晤传媒。前港姐冠军雷庄𠒇(Juliette)相隔7年再战选美比赛，顺利晋级16强。
她受访《香港01》访问时表示：“其实今次返嚟香港，係因为嫲嫲过咗身，咁所以留喺香港处理呢件事，点知环球小姐咁啱又举行面试，于是就决定嚟参加试吓。（你之前攞咗香港小姐冠军！）因为环球小姐係一个国际嘅舞台，我好希望能够代表香港。”
被问到有否挂住无綫？Juliette表示：“其实我离开无綫，最唔捨得係一班佳丽，同埋化妆师，因为每次对我都好好。当时因为合约问题，我选择离开返咗去加拿大做返演员，嗰阵时我中文又唔好，又唔识读又唔识写，变咗当时要拍剧集嘅时候就会好困难，当时我係想返入荷里活同Netflix嗰啲，而喺多伦多係有好多Netflix嘅拍摄，加上我係讲英语，觉得返过去係会有多啲机会，呢7年我已经係全职演员，可以搵到好多工作，觉得自己好幸运。
（嗰边港人多唔多工作机会？）嗰边外国样多啲，而我哋中国样就比较少，可能我个样有啲鬼鬼哋，变咗机会係多啲。我觉得自己当初选择係冇错，同埋我觉得自己真係好幸运。”
