明报：《逆转上半场》煞科 梁咏琪难忘炎夏拍摄 晒燶兼双腿抽筋
由梁咏琪（GiGi）、陈湛文、朱栢康、梁雍婷（Rachel）、陈辉虹、凌文龙及陈献略主演，联同一班来自各阶层，热爱足球的年轻小演员，拼凑出励志喜感电影《逆转上半场》，经过炎夏暑假的拍摄，日前顺利煞科完成拍摄，主创亦开香槟庆祝分享喜悦。
《逆转上半场》日前在大角咀一所大厦天台拍摄煞科戏，在一片欢笑声中完成，梁咏琪喜欢演搞笑喜剧，遇到有喜感演员更加开心投契，GiGi说：“首次同湛文、朱栢康合作，有唔少对手戏，拍摄期间会撞出火花，好多场戏都轻鬆，大家撞出爆笑、喜剧效果，有朱栢康、陈湛文在场一定好笑。”
朱栢康笑言：“其实我好严肃。”GiGi笑指其实朱栢康严肃就是好笑。陈湛文说：“GiGi前辈係好搞笑，其实我锺意做悲剧，但唔代表做得到。”
众演员指今次在高温天气下拍摄是最大挑战，GiGi回想：“我谂今次暴晒係一生难忘，因为小朋友关係，我哋要趁暑假完成所有拍摄，时间上好紧凑。”陈湛文说：“GiGi同我讲，话佢好耐冇试过拍嘢戏咁辛苦。”GiGi回应：“我淨係敢同你（陈湛文）讲咋﹗因为其他人仲辛苦。”
陈湛文补充：“因为我哋好多剧组人员连续3日都有人中暑。”GiGi解释：“我哋主要喺球场拍踢波戏，落场嘅小朋友晒住最辛苦，但佢哋休息时候，仍然继续踢波，我哋都晒燶咗。除咗热之外，有一晚返到屋企感到好眼瞓，双脚又抽筋，我挣扎当刻係要处理双腿定係要瞓觉，最终选择瞓觉先，我唔理抽筋都照瞓。”GiGi表示终于完成今次艰辛拍摄，会奖励自己按摩揼骨放鬆。
梁雍婷跟陈献略在戏中演夫妻，2人甚有默契，梁雍婷说：“难忘事係暴晒，但同时感谢天公造美，我哋有好多户外拍摄天气都好好。”陈献略说：“最难忘係家中的一场食饭戏，我好耐冇同家人一齐食饭，可以跟Rachel演一家人食饭，感觉很好。”
