明报：企业强人｜与谭俊彦3秒牀戏遭投诉太短 张曦雯︰唔够？
谭俊彦及张曦雯在剧集《企业强人》里的3秒牀戏遭网民投诉太短，两人今天（20日）联同陈豪、龚嘉欣等出席宣传活动时谈及此事，张曦雯说︰“唔够？不过之后已经冇。多数情侣开始时最激情，之后就细水长流。我反而锺意谭俊彦半裸起身时，我已经唔喺牀上嘅画面。”
谭俊彦表示激情戏经监制剪辑后，永远都是点到即止。他说︰“我觉得画面唯美好靓，个意识都喺度，收货﹗”
他们透露两人的角色将互相折磨，非常虐心。张曦雯笑言︰“我个角色之后做好多事伤透谭俊彦，女人就係咁，虐待到佢一个点，佢都唔肯走。我本身都係咁，虐待男朋友咁多年都唔走，就畀佢留低。”谭俊彦预告其角色会因张曦雯而出现精神问题︰“好似变番细路仔咁﹗呢套剧令我搵番后生时嘅感觉，好似以前嘅我。”《企业强人》将拉大队到北京宣传，他表示北上日子撞正太太生日，完成活动后要立即回港为对方庆祝。
张曦雯因剧中造型而被网民认为很适合饰演《新闻女王》的主播角色，她说︰“我都觉得自己好有潜质做女主播，可能之前主持明珠台节目时，训练到有主持腔。我都有向《新闻女王》自荐，但未有回覆。”
