陈晓华与朱敏瀚传年底结婚…

陈晓华与朱敏瀚传年底结婚：婚纱铺问我要唔要赞助

早前有报导指陈晓华将与朱敏瀚年底结婚，消息至今二人未有回应，今晚（25日）陈晓华出席剧集《金式森林》煞科即刻成为焦点，被问起朱敏瀚及结婚，陈晓华笑不停：“（妳年底结婚喎？）点会结婚呢？真係唔会结婚 ，假㗎。

（但话妳同朱敏瀚年底结婚喎？）哎呀 直头有人话我有咗BB添啦 （下？妳真係有咗？）我冇呀，真係冇呀，冇结婚冇BB 。

（亦都冇拍拖？）拍完剧喇 啱啱，啱啱拍完剧囉，所以而家先至有閒情去理下身边嘅事囉，（係咪玩神祕咁呀？）我有好消息就话俾大家知，冇呀 冇结婚呀 千祈唔好信呀，直头有人呢 即係嗰啲婚纱舖头问我，洗唔洗sponsor啲婚纱俾我呀，我冇呀，冇呀。

（全世界都嚟恭喜妳喎？）係，但我都好开心，大家係咁恭喜我，我自己都好开心呀，（你屋企人咩反应？）我阿妈都知唔係呀，佢完全冇问我，最唔关係就係我屋企人！”