胡定欣忽然夺“视后”感惊喜 透露台庆有重量级钜制剧集
胡定欣今日（29/09）出席“元满 75 齐心贺国庆”启动礼。最近TVB在“2024亚洲影艺创意大奖”中横扫10个奖项，胡定欣更获封后。胡定欣接受《香港01》访问时表示感到开心。她说：“唔知道公司攞咗我哋嘅剧集去提名，好惊喜。因为《破毒强人》係上年剧集，所以突然之间知道就有啲surprise。”
活动中胡定欣会上台唱歌，谈到近况她就表示以练歌为主。她说：“剧集拍就未有，嚟紧《巾帼枭雄》应该都会係其中一套，而家都係准备紧宣传安排。（练歌）多数係登台会用到嘅，而家就比较多时间可以练歌。今日会唱《至少还有你》、《终身美丽》、莫文蔚《The Way You Make Me Feel》。”
讲到艺人拣登台歌，原来都大有学问。胡定欣受访时就表示喜欢向难度挑战。她说：“虽然唔係歌手，但係我自己就有要求，我锺意向难度挑战。意思係会锻鍊自己，再唱好啲。因为始终自己锺意。（一首歌要练几耐？）冇㗎，总之上堂会练，平时又会练。（冲凉会唱？）一定啦，我谂每个锺意唱歌嘅人都会。”
