明报：欧阳震华跟老婆结婚28年未嗌过交 曾介意被指“软饭男”
有“TVB福将”之称的欧阳震华，自从一次患病死过翻生之后，改变人生观，学懂平衡生活，他肯定一生中最大成就，是娶到个好太太，因为太太成为鼓励他向前的推动力。
谈到婚姻，欧阳震华坦承娶到信任和支持自己的太太傅洁娴，是其人生中最大成就。2人于1996年结婚，至今已28年，婚姻依然保鲜，他表示夫妻相处之道，在于他们眼中只有对方，没有小孩，不会分薄彼此关心，只对对方负责就简单得多。
欧阳震华大讚太太EQ，从不踢爆他做错什麽，亦不会质疑他，他说：“估唔到佢咁厉害，我夜晚约咗朋友饮酒，佢唔会囉唆，只淡淡然话﹕‘唔好饮咁多酒呀，饮酒就叫车，唔好揸车，唔好咁夜返。’多年前朋友凌晨1点搵我出去，我话3点几回家，佢话畀够我5点，结果我都係天光先返家！”
欧阳震华透露和太太结婚多年，未试过嗌交，太太一句都没有闹过他，连大声一点跟他说话也没有，修养比他好，这样他才感惭愧，他说﹕“太太令我最大改变係勤力咗，佢叫我唔好偷懒，要证明畀大家睇，唔係外界所传嘅‘软饭男’，讲足20年，近几年先冇再讲。”
欧阳震华坦言最初介意被指“软饭男”，他笑说：“边个锺意食硬饭，人哋锺意点讲就点讲，有钱又话你炫耀，冇钱又话你‘死穷鬼’。年轻时介意人哋说话，到咗𠵱家呢个年纪，边计较得咁多？”
欧阳震华在2013年急性肺炎入ICU死过翻生，直言人生观有所改变，他说：“发梦都估唔到，杀个措手不及，食物倒流入肺，当时我瞓咗觉，就咁样被送入ICU，真係走得㗎，好彩发觉得早，之后嘅改变係唔再死做烂做，够就算，有饭食、应付到基本支出，有啲救急钱已足够。”
