星岛：前TVB女星黄智雯自资拍半真人Show
节目发放正能量 亲自下厨为粉丝搞生日派对劲暖心
前TVB女星黄智雯（Mandy）自去年底离巢后便积极经营个人社交平台，最近更宣佈在她的YouTube频道播出半真人Show企划，内容以追梦、勇气及情绪宣洩等为题，她希望透过今次企划宣扬正能量，将自己在演艺生涯累积的一点一滴回馈支持她的人。
黄智雯网上徵集题材
一直以来，黄智雯都有一个梦想，就是自主拍一个节目，将正能量带给身边的人，然而过去忙于拍剧的她，迟迟未能实践梦想，如今机会终于来临，黄智雯决定自资企划拍摄半真人Show节目，并暂定一连五集，早前她在网上作公开招募有关梦想及勇气等故事，她表示：“今次企划可以话係由零开始，由筹集故事到拍摄，都係落手落脚去搞， 自主性好高嘅拍摄，过程中，最大困难係挑选故事，因为收集咗好多不同类型，每个故事内容都好好，但又唔可以全部拍出嚟，所以係好伤脑筋。”
黄智雯为粉丝搞生日派对劲暖心
半真人Show企划开始前，黄智雯决定先为支持她多年的Fans Leader实践梦想，发放惊喜，为对方筹办神秘生日派对，作为是次企划嘅前传！
她表示：“咁多年嚟嘅Fans Meeting都係佢哋为我准备、畀惊喜我，我哋可以话係一齐成长，有部分fans更加係我睇住佢哋长大，好似今次Fans Leader咁，佢好似我嘅缩影，佢由以前惊惊青，到而家成为Leader，好似我以前都好冇自信，但为追梦竟然有勇气放弃空姐入行，入行后亦要有勇气面对好多人、挑战好多新角色。”
黄智雯开金口献唱
为了今次神秘派对，黄智雯可谓绞尽脑汁，除了为粉丝们亲自下厨外，亦即场开金口献唱多首歌曲，当中包括由Fans作曲、填词的《慢递》，令粉丝既惊喜又窝心，她说：“呢首歌係粉丝送畀我，当时佢哋用咗我啲角色名去填词，不过今次我就将啲歌词再填过送畀佢哋，因为有啲说话都想透过歌词讲畀佢哋知！希望可以凭歌寄意，亦係我第一次尝试填词！”
她续说，为了今次的惊喜，事前准备了一个月，认真有心。而且係第一次落手落脚，绝对係一个好“黄智雯”嘅节目。
黄智雯下厨笑料百出
不过难得下厨的黄智雯，落厨时却笑料百出，她笑言：“我係唔熟架步啫，加上对住镜头煮嘢食会特别紧张。”黄智雯自言平时在家入厨定必关门，老公亦不敢骚扰：“我煮嘢食好似冥想咁，要好宁静，我通常都会关门，然后上网睇住食谱，自己一个人沉醉喺厨房，唔可以畀人骚扰。”
问到老公对她厨艺有何评价？黄智雯笑说：“婆婆同妈咪煮嘢食都好叻，我一问，佢哋就会教我点煮，所以我深受佢哋影响，老公可以食到家传味道，佢係好感激嘅。
