菊梓乔认脱节唔明“SLDPK”点解 一提成龙打保錡劲兴奋：想睇 | 香港01
锺培生宣布落实举办年度拳击盛事《培生擂台：无敌盃》，仲话会听取网民意见，尽力促成“成龙打保錡”（SLDPK)。菊梓乔今日出席活动，提到“成龙打保錡”时，她即谓：“係咪真？我都想睇！咁犀利，梗係要睇，成龙由细睇到大。”问到会否考虑陪练，她即问：“佢做沙包，我打佢？（或者佢畀人打，你去睇。）好喎，好睇。”
菊梓乔又表示第一次听到“成龙打保錡”或“SLDPK”时，都搲爆头不明其意思，又指自己脱节，甚至朋友解释完都唔太理解。“你明唔明？我真係唔明，歇后语係咩？”得知真正意思后，菊梓乔即傻笑，似乎真係无问过保錡。
保錡近日与ERROR在日本拍摄综艺，问到会否有收到手信或托对方代购，菊梓乔话唔敢，她又透露上次回应绯闻后，有同对方联络。“因为都觉得唔好意思，希望唔好影响佢工作。”
