刘温馨庞景峰“拍拖”闯鬼屋 庄韵澄认细胆 力臻讚黄百鸣唱《记忆棉》
刘温馨、庞景峰、庄韵澄、力臻、胡渭康、何婉盈、莫镇贤、Cheronne、邓颖芝等，应邀出席在旺角闹市的鬼屋《怨灵禁地》，为万圣节揭开序幕。群星被吓到花容失色，庄韵澄亦不例外：“我係劲细胆、劲怕鬼，我睇鬼片都会叫、都唔敢去，我刚刚拍咗套鬼片，都要去啲阴森位，家人冇帮我求啲咩，要我自求多福！”她自揭儿时在家“撞鬼”而留下阴影，现在尽量少接探灵等工作。
刘温馨、庞景峰齐现身，但刘温馨否认情侣档“拍拖”出席活动：“我哋係一大班朋友嚟嘅，我知Andrew（庞景峰）锺意玩所以叫埋佢，但係佢靠唔住啊，所以带公仔到场搵啲安全感。”而庞景峰表示不会保护刘温馨，还讲明随时“突袭”对方：“因为呢度啲工作人员，唔可以接触我地，如果一阵有人拍佢、摸到佢嘅话，就一定会係我。（带她见妈咪？）我呢排工作好忙，返到屋企知道妈咪存在，知道佢有出入，但好少见到大家。”被问到何时见家长，刘温馨即 “口窒窒”：“ 可以倾动物嘅，我都锺意小动物，佢又係前辈啦！”
力臻自爆细胆，不过入行之后令他失去“鬼屋”乐趣：“因为𠵱家去鬼屋，会用欣赏嘅角度出发，例如睇人哋佈景整得几靓， 搞到身边朋友都冇晒瘾，嫌我唔够投入，因为好多时我都係睇人哋创作搵灵感。（黄百鸣唱歌片有没有给你灵感？） 我都有教唱歌，我同啲学生讲，百鸣哥用声真係唔错，可能个唱腔会有唔同，因为每个年代嘅人唱歌嘅方法都会有分别。”
