贺岁片｜马国明汤洛雯不时放闪 高海宁羡慕︰有叫佢介绍男仔我识
由王晶同叶念琛联合监制及执导的2025蛇年贺岁片《麻雀女王追男仔》，（18/10）举行开镜仪式，一众演员高海宁、马国明、陈家乐、陈静、邱意浓、许绍雄、文佐匡、郭珮文、麦玲玲、林盛斌（阿Bob）等都有出席，其中马国明与高海宁首次演一对情侣，高海宁︰“我哋反而做过夫妻。”
两位都係第一次拍电影做男女主角，但因为是喜剧关係，过程未有太紧张，而马国明在戏中是饰演一个生活潦倒，好有理想的科学家，自问好了解这个角色。“因为我现实生活都好潦倒，所以我都几了解佢嘅生活，好明白佢。”
至于讲到追男仔，马国明坦言如果高海宁出招，一定好易。“佢咁样行出嚟，係男人都嗒糖，样同身材就係佢撒手锏。”记者问到高海宁，婚后的马国明可有甚麽不同？“又冇，佢不嬲都好好，佢两公婆喺我面前都好sweet，得閒无事都打情骂俏。我有同佢讲，如果有男仔追我，一定会畀佢过目，因为始终男人最了解男人，佢係一个典范可以睇穿对方係咪好男人。”
高海宁更自爆曾经叫马明介绍男仔畀自己识︰“因为我相信物以类聚。”
