明报：胡鸿钧亲解演唱会名由来 吴业坤盼海外巡演兼拍旅游特辑
“胡鸿钧 X 吴业坤《GROW WITH THE FLOW 演唱会─香港站》”，将于12月8日（周日）假麦花臣场馆举行。
今天（20日）胡鸿钧（Hubert）与吴业坤出席演唱会发布会，主持Kawaii问两人为何认识这么久才第一次合作开演唱会，Hubert笑说：“我和坤哥由比赛到𠵱家，认识咗14年，但坤哥太忙，每次同佢讲不如一齐开骚，佢就会有好多理由，例如佢自己开个唱、拍剧、结婚，同埋去旅行度蜜月，终于坤哥有时间啦，多谢你。”坤哥说：“得我哋两个係唔成事嘅，要多谢主办方同经理人嘅促成，仲有好支持我哋嘅粉丝。”
Hubert表示：“今次演唱会名称叫做GROW WITH THE FLOW，係上次影演唱会海报嗰阵灵机一触谂到，本来係叫做《GO WITH THE FLOW》，因为我哋认识咗14年，有各自嘅经历，不过坤哥就多我一样嘢，就係结咗婚，已经係人夫，但係我又想演唱会名入面有成长嘅意思，所以最后将GO改为GROW，大家一齐成长。”
坤哥回应说：“当初影结婚相嗰阵，Hubert都有嚟，我同Hubert识咗咁耐，好多嘢都冇特别顾忌，但係我老婆见到我哋企得咁Close，即刻好紧张将我同佢拉开，今日係老婆生日，但为咗做嘢唔可以陪佢，希望佢唔好嬲啦。”
至于会否有其他地方演出，Hubert表示主办方在安排中，坤哥说如去海外巡演，可一併拍摄旅游特辑，一举两得。Hubert和坤哥表示歌单和嘉宾人选，仍未作最后决定。
