伍允龙首拍贺岁片唔敢剧透怕被打 成立工作室盼与吴建豪合作 | 香港01
伍允龙日前才捧场《焚城》，昨晚（25日）又现身《破．地狱》优先场，有份拍贺岁电影嘅佢，仲有时间支持香港电影业？他解释是因为仲未到自己嘅拍戏部分，问到能否剧透，他笑说：“唔敢，我会俾人打，但今次文戏多。”
早前好兄弟吴建豪来港，伍允龙即搵林峯、吴卓羲聚会：“以前佢嚟香港都会住我屋企，但近年少咗嚟，所以今次佢嚟我都搵埋林峯，佢哋之前一齐内地拍节目，再叫埋吴卓羲出嚟，大家都好开心。”
伍允龙又谓如今有自己工作室，希望可以搵埋吴建豪、安志杰一齐合作，而确实亦有电影在商讨，但成事的话，他笑言一定唔会有“友情价”。
日前他在限动中，表示期待有几多“王九”喺万圣节出现，伍允龙笑言“王九”妆起码要两个小时，所以唔考虑再试，但心思思想cosplay 《星际战士》。
