明报：焚城｜谢君豪未敢伙《破‧地狱》许冠文宣传︰佢係一代宗师
谢君豪、魏浚笙（Jeffrey）昨晚（30日）联同电影《焚城》导演潘耀明、监制江志强接受ViuTV《爆谷一周》录影访问。
《焚城》将与《破‧地狱》合作推出限量电影套票催旺本地电影市道，谢君豪大讚非常好︰“对观众亦係好事，可以睇晒两齣片，希望大家支持香港电影。呢种方法从未试过，好有趣亦有话题性，将来其他电影可以仿效，大家合作将市道整旺至係最实际。边部戏会赢？希望係双赢﹗两齣戏一齐谢票宣传？好提议，几过瘾，首先大家要睇晒两部片先。我会拣同黄子华一齐宣传，因为我哋比较熟络，如拍住许冠文会有啲惊。许冠文係我偶像兼一代宗师，我细个时已睇佢嘅电影。”
Jeffrey选择跟朱栢康一同宣传︰“我同佢认识，而且我对破地狱仪式感兴趣，到时可以问佢练习同拍摄情况。”谢君豪说︰“朱栢康拍电影《浊水漂流》时学过破地狱仪式，已有功底，拍《破‧地狱》应该会得心应手。”
谈到《焚城》已举行了多次谢票活动，谢君豪开心表示︰“观众话部片好感动﹗其实我每次睇每次都喊，有几个位好动容。”Jeffrey亦被多场戏感动落泪︰“全港消防车出动救灾一幕，我起晒‘鸡皮’。”
