星岛：胡慧冲获爆红邝玲玲抽空拍《冲游10》 芭堤雅篇有E Cup女神畅泳
由“泰国通”胡慧冲（Roger）主持的旅游节目《冲游泰国》系列相当受欢迎，新一辑的《冲游10》已于本周一在TVB Plus播出，节目中除介绍曼谷最新打卡点外，还有神秘E Cup女神跟Roger在芭堤雅畅泳。Roger最感恩得到近期爆红的邝玲玲主持“玲玲有心事”及“泰国冇问题”两个环节：“佢零要求，真係有情有义。”採访：方骞平
最近“泰国通”胡慧冲嘅“冬荫家族”成员“叉烧姐”邝玲玲，凭GL泰剧《我们的秘密》爆红成为“女神”，虽然工作忙到飞起，但仍二话不说抽空相助，更加零要求，唔使助手陪。Roger开心说：“我讲笑同佢话‘我从来冇一个咁红嘅朋友，不如下次带埋我去你嘅影迷聚会啦，我可以帮手拎嘢做阿四。’点知玲玲反应好大‘吓？胡慧冲帮我拎嘢？咁唔得喎，点可以咁㗎。’”Roger透露有中港电影公司联络玲玲拍戏，作为港泰混血儿嘅玲玲坦言对拍戏好有兴趣。
冬荫妹拍亲子内容
在12集的《冲游10》中，Roger会游走曼谷最新打卡点，包括爆红嘅“猫猫船”：“有猫猫踩住我膊头，陪住游船河係好开心嘅。”还有泰式鬼摆设的鬼咖啡室；Songwat文青街；人山人海嘅平价流水活虾：“多谢冬萨妹‘升呢’人母后仲带埋宝贝女出嚟外景，一齐拍啲亲子内容；至于邝玲玲就教关于讲心事嘅泰文；另又跟‘冬荫家族’成员齐齐讲解一啲大家对泰国嘅疑问。”而最后4集就係重点推介，Roger话芭堤雅篇会同E Cup女神畅泳，观众一定有惊喜。
