陈百祥传与明星足球队闹不和 队员孔德贤露玄机：踢得开心就会嚟 | 香港01
早前“香港明星足球队”由曾志伟和校长谭咏麟亲自带队到天津进行友谊赛，出战天津元老队，新队员孔德贤也有随队到当地比赛，但随行不见陈百祥（阿叻），有传阿叻自汕头作赛怒踢对手惹争议，引发球队内部不满。有指阿叻自觉无瘾，随后自组另一支球队“精装足球队”，令不和传闻甚嚣尘上。
昨日（4/11）孔德贤（Danny）接受《香港01》访问时表示：“我啱啱先喺内地同明星足球队踢完波，然后赶返嚟出席呢个活动，其实球队内有好多人参与，当中有好多前辈，能够多啲人一齐夹係好玩啲。（唔见阿叻！）其实由我加入，呢次係我第2次去啫，咁所以我係冇见过佢。（传同曾志伟不和！）我呢啲咁新嘅球员，就唔係好清楚件事。（有冇问阿麟阿叻去咗边？）咁我又冇问过。
（下次够唔够胆问？）我就觉得一齐踢开心就会一齐嚟，不过可能真係有时唔得閒。（阿叻如果叫个帮手踢得唔得？）咁我又唔知，其实我都係最近睇到报道先知有呢个情况，但其实我一直都係踢开呢边，同埋平时要做嘢，变咗係好难分到身去做唔同嘅嘢，因为真係冇时间。（有冇问过可唔可以两边踢？）咁我又冇问过。（冇得同阿叻做队友会唔会感可惜？）我觉得会做到嘅。”
