明报：张驰豪为入行追梦 放弃返美完成硕士课程
29岁张驰豪（Aska）小学及中学均在本地名校就读，2013年前往美国留学，修读运动及营养相关学位。修读硕士期间，Aska因暑假及疫情留港，参加选秀节目首季《声梦传奇》后签约TVB，前年推出首支个人单曲《色彩背面》正式出道，今年9月再出新歌《宇宙逃生口》。
他近日接受商台《星光背后》专访，剖白为入行放弃回美完成硕士课程的挣扎，并公开过往3段感情均被分手的心痛回忆。
Aska被问及能赴美不断读书是否因为家境好时说︰“觉得自己好幸运，屋企算係唔使忧柴忧米，好感恩。我同细佬大个咗都希望回馈父母。”至于“Aska”名字是否源自日本乐队Chage and Aska，他表示：“个名好似同日本有关，其实我中学时係叫Oscar，未改名、未长高时係肥仔，喺香港成日被欺凌，自信心唔高，加上同班有3个同学都叫Oscar，全部都肥嘟嘟。我觉得‘O’呢个字属肥嘟嘟，所以就改咗个A字头名，点知改完之后就长高咗！”
Aska坦言入行前自信差，当年参加《声梦传奇》见到其他14个对手，加上自己年纪最大25岁，就觉得比下去。他说︰“个个10几岁，特别係炎明熹，好欣赏同佩服佢嘅实力同气质，所以最后佢赢出，大家都觉得係实至名归。”
Aska在比赛中虽然12强止步，但获得TVB一份合约，于是放弃返美继续完成硕士学位，留港一圆歌手梦。他解释：“ 比赛嘅时候仲有zoom上堂 ，但比赛中段就觉得唔掂，事关比赛凌晨1、2点完成录影，到3、4点返屋企仲要zoom上堂，发觉冇时间休息，所以就停咗学位嚟玩埋比赛先。”
被问及TVB的人工是否很高时，他尴尬及语塞了一会说：“入行唔係为钱或利益上嘅嘢，真係做紧自己锺意嘅嘢，所以先会有热诚。我觉得如果错过呢个机会，将来会后悔。”
谈及感情生活，Aska承认拍过3次拖，每次均逃不过被分手的命运，首两段感情更因为女方出轨而告终。他说：“初恋喺香港发生，因为远距离而分开，听朋友讲发现对方出轨；第2段係喺美国中学认识，升大学后就分隔两地，对方识咗另一个人，所以被迫分开；第三段就比较和平，係返咗香港参加《声梦》时发生，最初相处开心，但到我入行，对方发觉大家目的地唔同，又被迫分开咗，主要係因为呢一行嘅工作时间太唔固定，对方放假时，我又放唔到假。我都有检讨係咪自己有问题，当时好失落。 ”
回复单身未够一年，Aska称正慢慢走出分手之痛。他自言选女友不是看外貌︰“ 样貌唔长久，顺眼就ok，更重要係性格同内心、相处舒服。”他更承认公司有叮嘱他别拍拖：“出道后，公司可能会担心我喺时间上、精力上分心，我都明白呢啲concern。”
