星岛：陈自瑶认一早知翠如怀孕
曾陪对方走过小产低谷 无追问性别最紧要健康顺利
胡定欣、陈自瑶（Yoyo）、袁伟豪与太太张宝儿跟囝囝“袁咕碌”及马诗慧等今日（17日）到启德出席精品店开幕，对于好友黄翠如今日宣布怀孕喜讯，Yoyo听后即掩面表示开心到想喊，并指早已知翠如怀孕了一段时间，但是这麽重要的事情，应该留待对方在适合的日子和时间公布比较适合。
提到翠如暗示自己曾经小产？Yoyo说：“呢啲事我都知，我哋一齐走过高山低谷，至于再深入就留返俾佢自己讲，（你会做契妈？）呢啲只係一个虚名，係真心戥佢开心，（会唔会特别照顾佢起居饮食？）我已经隔得太耐，个女隔咗10几年，等Shiga（连诗雅）传授，佢近啲，啱啱生完冇耐，至于成长嗰啲嘢我就俾啲可以意见。”
至于翠如做妈妈是否受到她与Shiga感染？Yoyo就指不会，因翠如与萧正楠也很喜欢小朋友，这些都是上天给他们的礼物，提到Yoyo和Shiga先后诞女，觉得翠如会不会也是生女？她说：“我真係唔知，佢哋非常神秘，呢啲小秘密留俾佢哋自己，我冇追问亦冇八卦，无论男女都好，最紧要係健康同顺利。”
至于是否会再抽时间多点陪翠如？Yoyo谓之前也有约出来食饭倾偈，不过她现在应该需要休息，问是否有妊娠反应？她表示每个准妈妈都有一点：“得閒都会陪住佢，但佢有老公陪，会锡佢。（谂咗买咩礼物俾佢未？）由今日开始谂！”
