明报：拍《巾帼4》好多情绪及压力 43岁胡定欣学“七爷”努力觅真爱
胡定欣于台庆剧《巾帼枭雄之悬崖》，因顶替辞演的邓萃雯角色，未开拍已备受争议。胡定欣表示当初收到剧本时，差不多1个月后便开拍，对她而言确是一个难关：“剧本唔係由头到尾睇一次就得，细节要慢慢釐清，难理解嘅部分係剧情有好多悬疑位，亦要釐清角色究竟係乜嘢人物，演出之前要花好多心机，唯有一路拍一路理解剧本。”
谈到角色因邓萃雯辞演，亦有传属意找佘诗曼顶替，最终落入胡定欣手上，她直言本身完全不在演员名单之上，考虑是否接拍确有犹豫，她说：“心想真的吗？我得唔得㗎 ？真係咁信我可以胜任到？唔接拍就冇发生过，但一应承就要做，亦冇好多时间考虑，反而身边人比我更有信心，林夏薇虽然冇份拍，亦冇睇过剧本，但当佢知道时，好鼓励我，指角色好适合我。”
胡定欣最终决定接受挑战，全因曾参演过头两辑，对这部剧有情意结，开拍前已有心理准备，被拿作与邓萃雯比较，她说：“当年好年轻，想睇下今时今日演呢个系列角色会点，今次演女主角，好想尝试，就决定接受挑战，由收到剧本至开拍，甚至到拍摄过程，外间有好多声音，令我有好多情绪、感受及压力，好似未拍就有种不被认同感觉，冇办法，我亦理解，未播出前一直收藏好多情绪未释放，到播出又好惊自己演得令观众唔满意、唔喜欢及唔接受，从未试过咁紧张，心情複杂，我唔係想超越经典，但既然有机会去做，演出当刻我亦付出百分百能力，难免被观众比较，咁我尽咗力做好咗我嘅七爷，就OK啦！”
剧中七爷与柴十七这段情十分内敛，因身分地位不同，遇到真爱也未能够行前一步，胡定欣指剧情与现实中自身经历，也有相似的地方，有所共鸣，对于现阶段可觉得寻找真感情很难？
她坦言：“一向都觉得唔容易，就算遇到锺意或心仪对象，都可能有啲各自唔同原因，未能够成功发展，我係非常理解七爷，唔係觉得自己有几咁高高在上，而係可能觉得我嘅艺人身分，係公众人物，对方角度未必有信心照顾到我，喜欢还喜欢，但真正去到经营，展开一段关係时，会因事业令对方却步，但我会继续努力，总会有希望，七爷都唔放弃，我都唔会咁易放弃。”
