异空感应｜阮浩棕火场实景拍摄爆破场口险盲：烧燶咗右边眼睫毛 | 香港01
阮浩棕昨晚（25/11）现身尖沙咀出席无綫新剧《异空感应》首播宴。阮浩棕受访时表示：“今次呢套剧我嘅角色係做法医助理，而我嘅角色係有一啲秘密喺身，加上剧情係比较沉重，变咗拍嘅时候係比较辛苦，而其中有一幕係讲我歇斯底里喺度咆哮，当中发生紧乜事呢？其实嗰啲位係会几入心入肺，后期大家就会知发生紧咩事。”
另外，阮浩棕亦提到在火场拍摄爆破场口，令他一世难忘：“之前好多爆破场面都係后期制作，但今次唔係，完全係实景拍摄，真係有放火队嚟放火，同埋真係有爆炸，而嗰次对我嚟讲真係好恐怖，因为你会见到成间屋真係著晒火，我係要爬出嚟。我好记得当日武指同我讲‘阿棕信唔信我？信我就埋位啦’当时我都冇反应，已经係呆咗，只係点头示意得就埋位。当时我成身都搽晒防火膏，但裤入面小腿冇搽到，结果一到佢爆嘅时候，啲热力涌出嚟，当时我以为烧到我小腿，但见冇人埋嚟叫停，心谂即係冇事，于是就演埋落去。不过我再演另一场，我係被火烧燶咗右边眼睫毛，好似电咗髮咁样，当时自己係唔知，係化妆师发现话俾我先知。”
