冯盈盈冇剧同冇综艺拍唔觉畀公司冷落：暂时仲未有一个落实嘅安排 | 香港01
艺人冯盈盈昨日（27日）于九龙湾一间中学与一班学生分享阅读心得，“做足功课”的冯盈盈更准备了7本自己看过的书与同学分享，希望可以藉此推荐给同学仔。
冯盈盈接受《香港01》访问时指没有局限自己偏看哪一类型的书：“我觉得睇书应该係好有乐趣，可以好relax嘅事。所以拣书最紧要係拣自己锺意同有兴趣嘅，喺嗰几本书入面有一啲係诗歌集啦，有一啲係小说，有一啲係资讯性比较强嘅工具书，咁我自己会特别推介嘅係《未来必备嘅四大能力》。”
冯盈盈被问到最近很少拍剧，她表示拍剧要等公司安排：“暂时仲未有一个落实嘅安排，咁但係我觉得作为一个艺人，就算係未有剧集需要拍摄嘅时候都唔代表係休息嘅。”
冯盈盈指这段时间都非常充实，可以安排不同的工作或培养不同的兴趣及嚐好。正能量满满的她更表示要装备好自己，让时间过得更有意义。
除了拍剧少外，连综艺都少了，冯盈盈被问到会否觉得被“冷落”时，她笑言不觉得：“我好感激公司帮我安排呢个慈善嘅活动，咁所以其实我一直嘅工作行程表都好充实嘅，所以头先所讲啦，一个艺人除咗主要拍剧或者节目可以畀好多人见到之外，亦都有好多唔同方面嘅工作。”
冯盈盈未来主要都以教育为主，她提到下星期已经要到另一间学校进行分享会，更会成立一个以教育为主的影片频道，向大家宣扬学习的乐趣。
