杨茜尧回应《巾帼4》收视撼赢《黑色月光》：最紧要观众嘅口碑 | 香港01
杨茜尧今日（28日）出席台庆剧《黑色月光》宣传活动，她接受访问回应《巾帼4》收视撼赢《黑色月光》：“收视唔可以著重喺数字去睇，最紧要睇观众嘅口碑同埋大家嘅讨论度，我觉得有阵时嘅收视高与低唔係代表套剧唔好，有阵时好多因素，可能（观众）未必即刻可以睇到嗰一个时段，整体嚟讲TVB今年嘅台庆剧质素同埋成绩都好好。”
难忘剧中在王浩信面前崩溃的戏份
提到大结局其中一幕打林夏薇一巴，她表示：“我哋通常打戏唔会拍好多take，打嗰个人大压力过畀人打嗰个，因为打嗰个好惊连累到对手又要拍过，所以通常都係一take过，我印象中都淨係拍咗一take。”
被问到剧中最难演绎的一场，她直言：“情感方面嘅戏囉！好似噚日播出嗰一场喺王浩信面前崩溃行为，当阵时演嘅时候都有啲压力，从来都冇透露过自己嘅心声，嗰一下要喺个男人面前表露自己嘅情感，个角色嘅关口好难过。”
透露倾紧演出新影视作品工作
至于是否有伏笔继续拍续集，她直言：“主打复仇嘅线睇吓延伸到去点样，如果观众好锺意就希望监制去谂一谂。”
谈及剧中打林夏薇一巴是否参考当年《宫心计》的剧情，她表示：“从来都冇谂过，我只不过係投入角色嘅需要，当投入角色就唔会有任何杂念，可能观众会抽出以前演嘅角色，谂起曾经演出过嘅片段拼合埋一齐，呢一个都係观众嘅反应。”
她透露现阶段已经收到一些影视作品的邀请，并表示：“都要倾吓，安排好屋企先，暂时都未可以公布！”她续指不介意出埠工作，并透露：“出埠工作对我嚟讲就等于放假。”
预告会赠送婴儿用品给黄翠如
被问到有否恭喜黄翠如怀孕，她说：“有恭喜佢啊！不过当时佢都唔可以讲，知道都唔讲得住，虽然我喺新剧先真正认识佢，我觉得自己多咗个姨甥嘅感觉。”她分享自己会收拾一些婴儿的衣服赠送给黄翠如。
