明报：独嘉登机指南｜谢茜嘉自揭遭前度以电邮分手 蔡景行被投诉常撩女仔
TVB Plus（82台）旅游节目《独嘉登机指南》，由人称“嘉姐”谢茜嘉伙拍蔡景行（行仔）及冯皓扬（羊羊）担任主持，今晚（9日）起逢周一、二及周四、五晚上8点半播映。
今晚首播一集的《独嘉》由香港出发，飞东南亚、中东、欧洲环绕地球一周，重点在没有申请签证、不入境的情况玩齐9个国家、10个机场，坐足13程飞机。平时行过路过的机场客运站，原来暗藏玄机。嘉姐会在12集的《独嘉登机指南》节目解构，同时带住行仔及羊羊，将一张机票的价值，发挥得淋漓尽致。
3位主持“嘉姐”、行仔及羊羊齐集香港国际机场，出发前先玩一转。嘉姐面对两位小鲜肉既担心又紧张，她笑说︰“未试过同年纪咁轻嘅人旅行，所以上网搜寻‘如何跟年轻人相处’嘅文章。”行仔边歎住机场限定的frozen cake，边问嘉姐有哪个机场印象最深刻时，嘉姐自爆情史感慨说︰“其中一个係丹麦机场，喺机场有好多开心回忆，唯独嗰一次，因为一落机就弹咗嗰e-mail出嚟，係我前度男友同我分手。”
明晚（10日）开始一连两集，嘉姐与行仔展开新加坡樟宜机场之旅，一出航机就见到全球室内最高，达40米的漩涡瀑布。樟宜机场设计成儿童游乐场，有由4楼滑到1楼的滑梯、攀石场、绳网、行迷宫，最宜小朋友放电。
嘉姐表示讲到吃亦是此机场强项，他们来到一间雪糕店，嘉姐笑说︰“呢间雪糕店有米芝莲光环，个雪糕筒係即场人手做。网上朋友话Earl grey同Lemongrass最好食。”
接住他们又歎娘惹菜，娘惹即指当地土生女性华人，嘉姐再踢爆行仔周围撩女仔纪录，她笑说︰“喺香港机场你已经开始撩，刚才食雪糕又有，你又唔记得呢度啲人识听广东话喎，係咁讲‘靓女、靓女’。”
行仔受访时自言男女都有撩，他解释︰“但係唔知点解镜头影到嘅都係女仔，同埋可能因为有摄影师跟住，又gel晒头咁样，令我喺机场成为漆黑中嘅荧火虫咁引人注目。主要应该都係我擅长沟通啫。”
