何远东成年冇剧拍 试过激到导演要掟烂电话：冇办法 | 香港01
何远东（东东）今日（23/12）现身荃湾出席无綫热播剧集《异空感应》宣传造势活动。对于恩师前TVB监制王心慰（Amy)荣休，东东接受《香港01》访问时表示：“其实Amy姐係得恩师，以前冇佢扶持我，我都冇咁多演出嘅机会，讲真佢喺TVB已经关照咗我十几年，我都有同佢讲，如果要我扫街，我都会帮佢拍，因为呢啲係恩嚟嘅，咁所以呢啲係要报。不过难保有一日Amy姐都会返嚟TVB再拍嘢嘅，好似好多公司咁，过一过冷河先。”
被问到成年冇剧拍，如何维生？东东表示：“我何远东仲係生存得好好，其实我係好努力咁教紧书，我喺喜剧教育方面，主力係喺中小学度任教，我每日都会游走唔同嘅中小学，透过戏剧令佢哋学习知识，又或者控制情绪。其实我都教咗十几年，试过以前激嬲个导演掟烂咗部电话‘边有演员要度期㗎’，但冇办法，因为我要教书。咁所以而家仲有得食，仲有钱去旅行嘅。”
