丁子朗要开工冇机会再晒肌 朱敏瀚立flag：我再攞男配角裤都除埋 | 香港01
昨日（23日）丁子朗、朱敏瀚及阮浩棕出席马拉松活动，今年万千星辉颁奖典礼三人都有提名，但可惜被提名“最佳男主角”的丁子朗则入不了十强，而朱敏瀚入选“最佳男配角”的十强，阮浩棕则入选“男飞跃”的十强。
三人接受《香港01》访问时被问到有关典礼一事，有份进入十强的两位信心如何，朱敏瀚及阮浩棕突然“互笠高帽”表示睇好对方夺奖，但其实二人就抱著平常心来对待夺奖一事，阮浩棕说：“讲真一句，其实男飞跃也好男配角也好，成个竞争都好激烈，每一位都好犀利，所以任何一个获奖机会都好大。所以我自己就保持一个平常心啦，费事自己到现场以为自己好有机会嘅时候会有失望嘅感觉。”
朱敏瀚则觉得：“其实最佳男配角好难攞㗎，真係非常之难攞，咁好难攞第二次嘅喺咁短时间内裡面。我哋做演出都唔係为咗个奖项，我情愿个角色有人记住，好过我攞好多个奖。”
丁子朗对于“失落视帝”一奖即笑指“好伤心”：“失落视帝好唔开心啊，唯有下年继续努力！”他表示今年可以安坐家中观看颁奖典礼，亦对颁奖典礼表示期待。三人被问到心水视帝是谁时，朱敏瀚及阮浩棕都表示自己支持张振朗，朱敏瀚更趁机为张振朗拉票，果然够老友。而丁子朗就觉得入选了十强的视帝都是劲人：“十位都係非常之厉害嘅人，我真係拣唔到一位。”
朱敏瀚的新剧《奔跑吧！勇敢的女人们》即将播出，他觉得新剧是轻鬆小品，绝对适合看着过年：“呢个剧集都替啊萧（萧正楠）开心，希望到时颁奖礼佢都可以攞埋奖啦。”
而讲到自己在剧内的表现时就觉得自己是最认真的一位：“我係比较认真嗰位，其馀嘅同事都係比较轻鬆嘅部分，希望大家喺轻鬆之馀又有认真可以睇吓。”阮浩棕听完朱敏瀚介绍后立即表示很期待播出。
说到马拉松，今次马拉松活动丁子朗因为工作而无法参加，他被问到自己其实有没有跑开马拉松时，他指自己回港后也有参与：“我返嚟香港之后都跑咗都五六次嘅马拉松，但就唔係全马係半马10k嗰啲都有，所以其实今次冇得跑係少少哎呀觉得miss咗，希望真係而家练定下年就跑返，因为跑马拉松嗰个感觉好有成功感。”
至于早前丁子朗在泰国旅游大晒肌肉被网民大讚，他则表示：“之前去泰国旅行，只不过见到个夕阳好靓，跟住不如影下相啦咁样。就冇乜点刻意show肌，得到大家嘅赏识都係开心事嚟嘅。”但他就指之后忙于开工，短时间内未必再有机会去旅游了。
三人说到晒肌就十分兴奋，丁子朗还搞事的怂恿朱敏瀚及阮浩棕齐齐晒肌，最后更迫到朱敏瀚“立flag”：“如果我再攞男配角，裤都除埋啊今年。”丁子朗及阮浩棕听到“哗哗声”，更指大家为了看朱敏瀚脱裤子，应该会努力地投票。
