明报：面包店店员被斥态度恶劣
唐诗咏回应争议：服务性行业真係唔容易
唐诗咏和朋友合资开设的日式麵包专门店，开业至今每天大排长龙。唐诗咏虽然贵为视后，经常现身店内打点，更落手落脚整麵包、搬搬抬抬及招呼客人。早前麵包店曾被质疑卫生标准，诗咏强调触摸麵包前一定换手套或消毒。
近日有网民在小红书发文，斥店员态度差，该网民称当天要排队半小时，才进入麵包店：“入去都未睇完有咩品种麵包，就比店员催着要咩麵包，急急脚埋单，仲要畀个店员丢张小票喺张枱度，难道我冇畀钱？入去唔够两分钟就走了，下次请我都唔去（两个店员尤其恶劣，一个鬈毛小哥，另一位忘记咩样了）好想问一下你哋係咪想赶客？”
面对网民不满及争议，唐诗咏昨天（15日）在Ig限时动态贴出2位店员的背影照，并写道：“呢两位无乜工作经验，20岁嘅年轻人，由开业到现在同我哋一齐经历咗唔少，当中少不免学习﹑犯错﹑不过我感恩，佢哋虽然年纪细，但会承认自己嘅错误，呢方面要讚一下，而佢哋都好努力地去学习。
服务性行业有好多事需要学习，例如语气啦﹑讲嘢要有尾音啦，即使失恋或者心情唔好，都唔能够带返公司㗎，我哋会一路积极地培训员工，如有需要再加心理嘅辅导，（我主要负责失恋嗰part）服务性行业真係唔容易，我哋一齐加油啦﹗”
