台庆颁奖礼2024｜马国明杨茜尧膺大湾区视帝后
《万千星辉颁奖典礼2024》今晚（19日）举行，“大湾区最喜爱TVB男、女主角”分别由马国明（《飞常日志》）及杨茜尧（《黑色月光》）夺得，《黑色月光》同时获颁“大湾区最喜爱TVB剧集”。陈贝儿主持的《无穷之路IV – 一带一路》则获颁“大湾区最喜爱TVB综艺及资讯节目”。
马国明得知获奖时一脸愕然，他说︰“冇谂过《飞常日志》会攞奖，我唔係话套剧唔好，因为套剧係上年1月播，通常咁耐之前嘅嘢，观众会唔记得咗。我知道呢个奖係大湾区观众投票，所以好多谢佢哋﹗”
杨茜尧上台时笑言没想过现在的女主角奖会那麽早颁发，她还以为有时间想想得奖时要说什麽。杨茜尧说︰“我12年前，已经12年啦，企喺TVB颁奖台嘅时候，我话畀大家听，我话我会继续努力，唔会骄傲。12年后，我依家以另一个名企喺呢个台度。人哋问我点解要改名，除咗为小朋友之外，我希望可以带一个全新嘅形象畀自己。希望喺佢哋（小朋友）嘅人生之中，佢哋会好骄傲我係一个好嘅妈妈，我係工作上面有好好嘅成就。”
杨茜尧发言时一度哽咽，又数度叮嘱台下工作人员不要催促，称如再有机会上台，会把佔用多了的时间归还。
她继续说︰“多谢《黑色月光》团队对我无条件嘅信任，无论我做得好唔好都会接受我、接纳我。多谢经理人，佢由我细细个带到依家已经25年，从来都冇放弃过我。多谢我老公（罗子溢），有你喺我身边，我好多嘢都可以唔care，但係有你喺我身边，我觉得我好多嘢都可以做得更加好。今晚我哋两公婆成绩係点都好，都畀小朋友一个美好嘅回忆。我知道我妈咪应该睇电视望住我，多谢妈咪无条件帮我照顾屋企，等我可以放心出嚟拍嘢。我完全准备好晒，有剧就搵我啦，但都要畀时间我搞掂屋企先。我等你哋，多谢大家﹗”
