明报：《破‧地狱》父女档谢票 许冠文盼票房收2.2亿 赠结婚礼物予卫诗雅
英皇电影《破‧地狱》上映踏入第11个星期，最新港澳累积票房数字，突破1亿5千8百万，昨日导演陈茂贤、联同许冠文及卫诗雅现身大围出席谢票活动。
Michael笑言望《破‧地狱》票房收2.2亿，寓意香港人打破任何困难，他于谢票后分享感言，语重心长祝愿香港人及香港电影同样向好，Michael说：“我同好多香港人一样，一生都希望进步同埋破纪录，一生人都曾经追求过几次，喺呢位天才洋溢嘅导演（陈茂贤）嘅作品，又令到我再感受到一次。不过今次未破得晒，仲有6000万左右，就可以破到香港所有电影嘅纪录，嗰部係2亿2千万票房嘅《End Game》（《复仇者联盟：终局之战》），如果大家已经睇咗4次，唔争在睇够8次。呢个唔只係我嘅梦，如果香港可以有一部2亿2千万票房嘅香港电影，咁就证明香港人可以做晒任何嘢，虽然暂时环境比较恶劣，不过我哋好快就可以破任何困难﹑任何嘅纪录。”
Michael除了现身谢票，更为同场的Michelle带来一支酒，作为结婚礼物，Michael表示事源下月跟家人外游，未能出席Michelle的婚礼。于谢票期间惊喜表心意，Michael更笑言：“之前我个女嫁之前，我都係同佢开咗支酒分享心事，仲同佢讲咗好多男人秘密，不过就唔方便喺呢度讲。”
搞鬼的Michael约定Michelle再聚，私底下分享。Michelle接过Michael的礼物更眼泛泪光，她指：“好多谢Michael San，感觉真係多咗一个阿爸，好感动，我同Michael San个女一样，都係咁啱叫Michelle，特别有亲切感。”
导演陈茂贤亦分享：“拍摄时因为每位演员都好专注演出，每场都要投入情绪，嗰阵其实大家都未有好多机会倾偈，係拍完电影经历密集式宣传，又多啲时间互相了解，形成咗呢股凝聚力。”
