明报：一蚊Joe效力TVB18年宣布离巢︰感谢喺TVB遇过嘅每一位
“一蚊Joe”游莨维2006年参加无綫（TVB）节目《一掷千金》，因只赢得1元奖金当众流下男儿泪，被网民封为“一蚊Joe”。他及后获当时的无线总经理陈志云赏识，安排他以旁听生身分入读第22期无綫电视艺员训练班，之后签约成为TVB艺员。转眼18年，一蚊Joe今天（8日）在社交平台宣布离巢，与无綫结束18年宾主关係。
他说︰“2025年2月8号，我终于由TVB毕业啦~ 感恩2006年12月，参加《一掷千金》‘一夜成名’，之后22期艺训班旁听，认识到一班‘同学仔’。毕业后，扮老鼠扮焦尸，人生第一次睇/揸靓车（《同车生活》），再到《问问MasterJoe》，之后《东张西望》再加《思家大战》。原来一路走来，转眼18年。感谢嘅说话有好多，千言万语，无从说起，害怕挂一漏万，唯有一句‘衷心感谢喺TVB遇过嘅每一位！无论您哋教我闹我信我支持我，我都一一铭记于心！’亦因为喺TVB呢一间木人巷，教到我一身好本领，所以喺出面，无论政商私人，无论大细，无论笋kam嘅工作，都游刃有馀，搵到少少钱可以养家糊口。”
一蚊Joe表示很多人曾问他如玩多一次《一掷千金》，他会选择当年3年人工的39万，还是以素人身分签约无綫由月薪1500元做起。他说︰“我可以好肯定咁答你！感激我人生有机会入到TVB，感激有机会发掘自己做主持嘅能力，（2011年做J.P. Morgan AD司仪，做到可以搵到老婆，有依家一个温暖美满嘅家），这一切一切都係2006年嘅‘一个决定’！感恩感谢感激，我永远嘅母校TVB﹗最后，引用两句歌词，一句係入行时候嘅自我安慰‘命里有时终须有，命里无时莫强求’；今日毕业，容我引一句‘今天且有暂别，他朝也定能聚首’。Yeah~ 我终于有机会讲啦，‘我哋江湖见’！P.S. 本人‘上有高堂，下有两名化骨龙’，我1MJ欢迎任何工作，代言，公司活动司仪，婚礼主持，总之‘毕业大酬宾’，薪酬费用我哋慢慢倾，最紧要Win Win，甚至搵我吹水倾偈、互相认识都得㗎﹗”
