明报：周嘉洛对新剧收视冇压力 陈滢为搞笑去到尽 JW自嘲肥到似个波
TVB新剧《痞子无间道》今晚（10日）首播，周嘉洛、陈滢、朱敏瀚、JW王灏儿、车婉婉、曹永廉、麦美恩等，今晚与该剧台前幕后到酒楼出席首播饭局，周嘉洛到场获粉丝送上印有“收视爆灯”旗帜预祝成功，他希望如粉丝所言，但对收视并没有压力，他说：“收视呢啲嘢好死，𠵱家可以喺网络平台睇番，但我建议用合法途径睇。”
他表示看报道才知自己有长达17分钟赤裸画面，不主张大家放大这场戏，他说：“拍摄时尴尬是有一啲，不过好快要习惯，加上有打底裤保护，同场演员好专业，冇令我有尴尬，其实呢场戏分别喺3个月内日子拍摄，大家仔细看，会发现我身形有所不同唔连戏，有3个唔同身形，我有几场剥衫戏，不过呢场戏係最长。”
陈滢表示该剧开拍至今已2年，有很多都不记得，早前监制安排他们看了头5集，比想像中好笑和精彩，希望观众如第一辑般喜欢，她称今次为了搞笑去得很尽，完全没有收敛，和JW没有顾及形象去演。对于JW归队帮手宣传，她笑言：“好开心JW归队，冇佢总係争咁啲，我哋做咗好多访问，觉得精彩，因为之前JW同朱仔有啲拗撬，可以一次过发泄出嚟。”
JW刚去完日本旅行，一回来归队帮手宣传，她一见到朱仔即责怪对方早前在宣传活动上，将她的纸牌公仔掉在地上，朱仔解释因纸牌公仔比真人高了三分二。她又投诉3位拍档决定去日本旅行后，才问她去不去，朱仔说：“我哋未出发，佢已经喺日本，我曾同佢讲过，我同嘉洛夹钱买机票请佢过嚟集合，但被佢拒绝。”
JW强调自己和朋友玩都好开心，还吃了很多美食，她说：“𠵱家好似个波咁，同自己讲返嚟就开始减肥。（肥几多？）冇磅过，我同个磅距离好远，虽然我有勤力滑雪，消耗好多卡路里，但唔够我所食嘅。”
