明报：我家有囍事｜梁茵演“拜金女”色诱林德信 防男友偷欢有妙计
梁茵（Kiko）有份参与的HOY首个微短剧《我家有囍事》播映中，她与林德信、林颖彤在剧中的三角关係，成为网民热话。为满足追剧观众，逢周日会推出一气呵成版，让观众一次过睇足10集，过足戏瘾。
戏中演“拜金女”的Kiko为自己角色平反，更加分享箍住男朋友的妙计：“今次我饰演嘅角色叫做爱美丽，听个名就知道好贪靓啦！同我之前呢个角色都有少少类似，都係拜金主义嘅女仔，一见到Alex（林德信）呢一类太子爷，可爱得嚟又迷人，又有钱又靓仔加上声线温柔，所以喺里面我係会有几幕色诱佢，本来谂住可以同佢开花结果，所以成个关係都係我Lead住佢嘅！ ”
梁茵拍剧常演拜金女角色，现实中，她对防止男友偷欢也有独特方法：“要得閒帮佢放电囉，呢个係令到关係走得更远嘅方法，得閒同佢做运动呀… 我嘅意思係跑步。我嘅角色虽然好豪放，但我其实係冇咁主动，以前觉得呢啲嘢，应该係男仔做嘅，但𠵱家男女平等，有时真係要为伴侣炮制浪漫惊喜。”
梁茵除了幕前工作，她还担任餐厅实习店长，希望将来有机会开舖：“个个都以为做店长唔使做，最忙都係佢！我之前做过侍应同埋楼面，唔係想像中咁易，我哋本身从事演艺，突然要转去另一个行业，我哋花费时间比其他人多，亦都要长期努力，先至可以得到别人认同，自己开舖头就係我终极目标，亦都有几位Partner喺度协调，希望早日成事。”
