江欣燕大爆丁子朗係富二代仲有好多女朋友：成日勾咗啲女钟意佢 | 香港01
TVB新剧《侠医》由陈豪、张曦雯、郑子诚、江欣燕、丁子朗、冯皓扬、谭凯琪、刘佩玥等人主演，昨日（13日）举行造型记者会。丁子朗、江欣燕与郑子诚于剧中饰演一家人，亦是剧中的反派，丁子朗更表示自己是第一次饰演反派，到底他会有多奸，就真的要等剧集播出就知道。
丁子朗与江欣燕接受《香港01》访问时两位透露今次是第二次饰演母子，丁子朗即表示很喜欢江欣燕：“其实一直都好钟意欣欣嘅，因为佢係一个好畀后辈信心嘅前辈嚟，有阵时我哋都会‘死啦，对住前辈做戏，有啲惊！’但佢完全冇。”江欣燕就感到很亲切：“咁我就觉得应该我哋会有个默契，我知道佢好勤力嘅，咁就睇下你今次点做。”
江欣燕透露剧中角色对丁子朗是一个挑战来，因为今次他是“坏蛋嚟”，更指他“好坏㗎”！至于怎样坏法时，江欣燕就指他的坏是：“即係challenge佢哋嗰边（陈豪家），睇下点样可以帮我哋嗰边。”亦大讚剧中的丁子朗是醒目仔：“即係佢睇到佢爸爸滚，咁佢呢就唔会话畀我听，佢帮佢爸爸keep secret，我觉得好高囉。跟住就去望住爸爸，即係你有痛脚係我手。”
而剧中的爸爸郑子诚才是最坏的人，更笑指他是“奸角嘅代表”。江欣燕说郑子诚看完剧本后看不到自己的角色有任何一点好，丁子朗被问到有否向奸角代表偷师时，他表示有他在就很放心：“因为有佢喺度做嘅时候，我哋都真係知道乜嘢係啱嘅方向，同埋其实监制佢之前畀咗几个角色嘅reference我，叫我去跟叫我去睇佢哋，睇下观摩下一个经典嘅TVB嘅坏人角色应该係点做。”
丁子朗被问到于剧中饰演什麽角色，他表示于剧中饰演陈豪的表弟，亦是一位富二代，江欣燕即大爆他剧中拥有很多女朋友：“我睇啲剧本呢，即係成日勾咗啲女钟意佢，追住佢啊，咁但係佢就会利用啲女仔去做佢啲棋子咁。”
江欣燕早前表示自己患了甲状腺亢奋，被问到会否影响拍剧时，她坦言不是太严重：“即係嗰啲阴啲阴啲搞下你啊，有时眨下眼啊，侧下颈啊嗰啲。佢係因为呢度塞咗，就影响啲内分泌。唔会攞我命嘅！”作为乖仔的丁子朗听到江欣燕说自己的病情时，都不禁轻抱了她一下说：“啊妈要长命百岁啊！”
