丁子朗认开少咗剧有影响 珍惜拍摄机会：事前准备係多咗好多 | 香港01
丁子朗今日（15日）出席观塘一商场的机械人活动并担任主持，首度与机械人做活动的他都表示很新鲜，但亦很担心，因为未试过与机械人合作，不知道机械人会有什麽反应。丁子朗更笑指这个是他作为主持的一个“考牌试”，而考试过后，他一身轻，因为得到主办方的讚赏，觉得可以再次合作。
丁子朗接受访问时被问到有关TVB最近“开少咗剧”，自己有否受到影响，他即表示开少了剧对演员来说一定有影响：“咁就係变咗我哋会更加珍惜每一次拍摄嘅机会，因为每次我哋而家嘅拍剧嘅方向以前唔一样。以前係我哋一年commit咗有200个钟，就一定要拍晒200个钟，咁但係而家我哋一定谂好咗个剧本，谂齐晒所有对白，已经係confirm咗一个好solid嘅故事先至开拍，咁对于我哋嚟讲其实个事前准备係多咗好多。”
丁子朗更讲到以前拍剧与现在拍剧的不同，以前TVB出名就是“飞纸仔”，但现在就变成有很多准备空间让他们讨论：“究竟我哋呢个角色想点呢，因为我哋知道临尾嘅结局係点啦，咁所以就变咗，慢慢咁样去讨论。”被问到最大的影响是什麽，会否影响收入时，他表示最大的影响一定是“准备”。
被问到没有剧拍的时候会做什麽，丁子朗笑指自己很忙：“我好多嘢搞啊我，我觉得我係一个斜杠族嚟，暂时工作都叫做唔好话好密，但係都非常之充实。”他表示早前才在内地拍完剧，然后又正在准备画展，除此之外4月更有演唱会。所以TVB少开了剧，对他的影响没有很大，因为他还有很多不同范畴的工作，他很开心表示：“因为每个范畴都涉猎到唔同嘅观众，咁所以我好开心见到唔同嘅人。”而且他的想法很正面，觉得TVB如果觉得有角色适合他就自然会选择他：“一定选择到我嘅，咁我相信如果真係啱我嘅戏就会搵我。”
