陈晓华接得花球 网民催同朱敏瀚拉埋天窗：唔会随便搵个男人就嫁 | 香港01
谭俊彦、高海宁、陈晓华和何广沛今日（18/3）现身湾仔会展出席《上海视听精品推介会》。提到新剧《新闻女王2》，谭俊彦接受《香港01》访问时表示：“其实我哋啱啱准备造型然后围读，剧本大家都喺度睇紧。而今季有好多嘢我哋係估唔到，有好多角色都有转变希望大家会锺意。”
高海宁接著说：“今次我哋嘅角色係延续上一辑，上次我係报新闻，而今次我係入咗政府部门做嘢，可以话我係跳咗去第二个赛道，令到我更加成熟咁去处理啲问题，所以我喺事业上会有更加嘅进步。”
提到早前出席哥哥婚礼，成功接到花球。陈晓华表示：“其实我3年前已经攞过，对我嚟讲攞花球都有啲经验，而花球代表係幸运，所以嚟紧我都会一直幸运落去。（网民催促你同朱敏瀚快啲拉埋天窗！）其实我喺《新闻女王2》入面，我係要证明自己係一个有能力工作嘅人，所以我係唔会咁随便搵个男人就嫁嘅。”
