龚嘉欣爆丁子朗晚晚收工都即刻打电话：都唔係你爸爸妈妈把声嚟 | 香港01
TVB日前（16日）于会展举办《2025 TVB 年中节目巡礼》，不少艺员都有出席，同场更介绍播放了片花，介绍下半年的新剧集及综艺，当中就包括了黎耀祥、龚嘉欣及丁子朗主演的《香港探秘地图》。
黎耀祥接受访问时更笑言剧集变“拜山地图”，因为他们拍摄时走访了多个鬼怪的地方，连龚嘉欣都表示：“嗰啲墓地啊，骨灰龛场我哋都去匀晒。”她指第一天拍摄时都会有害怕，但慢慢就已经习惯了。但丁子朗就觉得像“旅游节目”般？他表示可以认识很多香港本地的传説：“好似其中一个係华富邨咁样，其实平时我哋好少去，华富邨啲探秘，我哋去收工食嘢嘅地方。”
黎耀祥笑称为吸引更多人来大湾区旅行，可以开个“香港探秘地图旅行团”，而龚嘉欣指第一站就是去黎耀祥的家，但黎耀祥就拒绝：“去我屋企冇用㗎，我屋企冇乜秘密，去丁丁屋企先，佢屋企好多秘密㗎。”
龚嘉欣即大爆丁子朗藏有很多秘密：“畀我听到啲秘密，佢每一次收工佢都好赶时间要讲电话㗎，去到停车场嘅时候，就听到佢连咗个蓝芽就要同人倾偈。佢好赶㗎！佢一上车就要讲电话！”当丁子朗想解释时，即被龚嘉欣阻止：“你唔好再解释啦！”
丁子朗称自己是致电远在加拿大的父母：“其实每次收工最好嘅时间呢就係凌晨，凌晨嘅时间就係我爸妈起身囉！（龚：唔係你爸爸妈妈把声嚟嘅。）我爸爸妈妈係喺加拿大，咁所以每次收工嘅时候，真係凌晨三四点呢就係嗰个时间。”
龚嘉欣再三强调“都唔係你爸爸妈妈把声嚟”，但就被黎耀祥笑她“八卦”。
虽然丁子朗是第一次伙拍黎耀祥拍剧，但其实之前就已经合作过，他出道后第一个节目就已经跟黎耀祥“玉帛相见”，其实是他们去了“浸温泉”，同行的还有祥嫂。黎耀祥即搞笑说：“叔叔啊，跟住叔叔啊！”
