女神配对计划丨“爱回家CP”曾展望叶蒨文戏假情真认有好感
随时挞着力推做另一对陈豪陈茵媺 | 星岛头条
女神配对计划丨TVB恋爱综艺真人骚《女神配对计划》昨晚（8日）首集播出后，惹来不少迴响，最令人感到意外，一定是上位小生曾展望（GM）公开向女神叶蒨文（Sophie）示爱，两人自去年开始在《爱‧回家之开心速递》中组成“MC配（Mike and Candy）”，当时已经被网民视为新一代“爱回家CP”，今次曾展望勇于行出第一步，随时戏假情真！
叶蒨文曾展望随时戏假情真
其实自从叶蒨文宣布加盟《女神》后，当时已经有不少“MC粉”涌入叶蒨文的IG留言力推曾展望参加《女神》，不负所望的曾展望强调并非顺应民意才参加节目：“我唔想做嘅嘢冇人逼到我，其实我好少咁主动，因为我怕瘀，不过我更加唔想你畀人追咗，所以我过嚟追你，畀个机会我哋试吓。”
曾展望对叶蒨文使出“缘份杀手锏”
在节目上，曾展望的出现令在场人士既惊又喜，曾展望先使出“缘份杀手锏”：“其实我同林子祥同一日生日嘅。”叶蒨文全程甜笑兼眼泛恋爱星光，她甜笑地说：“你讲真定讲笑架？我个心跳得好快！”
林盛斌问曾展望何时开始对叶蒨文心动？他说：“其实我哋识咗好多年，第一次见佢已经觉得佢几好，不过嗰阵我知佢拍紧拖，之后见佢参加紧呢个节目，即係单身喇，我係一个怕瘀又要面嘅人，不过嗰刻我唔想你畀人追走，咁我咪嚟追你囉。”关嘉敏随即助攻：“佢（叶蒨文）嘅理想型都係你喎。”叶蒨文忍不住哽咽向制作组撒娇：“你哋係咪玩我？将我嘅理想型放到咁后！”
叶蒨文觉得曾展望“Mike”相似
叶蒨文追问曾展望是否可以分清楚自己喜欢的是Sophie还是Candy？曾展望大派定心丸：“分得清呀，你嘅角色同真人几大分别，‘Candy’比较小女孩，但係以我认识你，係时尚型新女性。”不过叶蒨文反而觉得曾展望与“Mike”这个角色相似：“佢都用咗好多自己落去，係转数快同有急才嘅人。”
曾展望又说：“我觉得你好幽默，我锺意同啲幽默嘅女仔相处，我觉得好开心，我都係锺意睇烂gag 嘅人。”叶蒨文进一步冧笑地说：“我未见过你呢一面，好唔惯呀，我平时觉得GM有少少玩世不，嬉皮笑脸，老实讲仲有啲Playboy feel，我觉得你今日好唔同。”
曾展望自认怕羞仍进一步表白
曾展望闻言即趋前兼作进一步表白：“其实我都几怕羞，好少可咁Hang 机，但係我好想同仔你试下，畀个机会我追你，好唔好呀？”叶蒨文点头示好，曾展望即说：“多谢。”叶蒨文坦言觉得感动：“因为佢平时唔係咁，我feel到佢好紧张，跟住feel到好真诚。”李芷晴忍不住说：“我feel到佢哋活喺自己嘅世界入面，感受到真爱。”
本来林盛斌表示数5声后，要叶蒨文做最后决定，不过她零犹豫下直说：“我唔需要嗰五秒喇，由开闸嗰吓我已经拣咗喇！” 叶蒨文为曾展望戴上“心动颈链”时，二人全程不敢望对方，叶蒨文说：“我哋好耐冇见。”曾展望即说：“我哋迟啲见多啲。”
叶蒨文曾展望戏假情真成为热话
在去年播出《爱‧回家之开心速递》第2377集，剧情“只有我能伤害他”讲到“Minnie”邵初暗中关注“Mike”曾展望于网络社交平台发表的贴文，发现他与“Candy”叶蒨文关係密切，她到鲸吞天厦查看，碰巧遇到Candy，藉机设法打探Candy与Mike的关係。Minnie认定Mike单恋Candy，而Candy只想“收兵”，因此骂了Candy一顿。
其后，Minnie发现Candy与Mike依旧纠缠不清，遂採取进一步行动……Minnie后来撞破两人共进晚餐，忍不住向Candy大发雷霆，难得今次戏假情真，片段迅即在网上疯传，一度成为热话，有人说：“好感动，希望佢哋可以一齐”、“场面好令人感动，好温暖又甜蜜嘅感觉”、“几有夫妻相”、“真 CP”、“好衬好 Sweet”、“一直好锺意GM、叶蒨文，估唔到佢哋两个互有 Feel”、“希望係另一对陈豪和陈茵媺”；二人还同时获讚真性情：“叶蒨文几好，够爽同直接”、“叶蒨文骨子里应该係好真嘅人”、“喜欢 GM 够直接。”
叶蒨文直认与曾展望互有好感
其后叶蒨文直认与曾展望互有好感：“其实公司同事都唔係好多细眼， 我都觉得佢几型几靓仔，不过因为佢少拍咗《爱回家》都少咗见面，以前都有一大班人食Lunch，前排罗雪妍生日， 我哋成班人都有一齐同佢庆生。”
至于没有再行前一步的原因，叶蒨文说：“因为大家係同事，佢又细我5年，本身我都唔係特别想拣番呢个圈嘅男仔，我觉得呢个圈嘅男仔比较複杂 ，诱惑比较多，加上我本身都係需要安全感嘅女仔，所以当时都冇谂咗多 。” 不过叶蒨文对曾展望讚不绝口：“ 佢个人几真，同埋几简单， 我觉得佢唔係好複杂嘅人，所以我都想了解下佢。”
