高海宁受眼疾困扰影响工作 靠中西合璧治疗已康复八成 | 香港01
由高海宁（高Ling)、周嘉洛、黄庭锋主持的节目《Grand住去利物浦》即将播出，今（19日）他们就合体出席宣传活动，三人均表示是次拍摄工作非常开心，除了能够到晏飞路球场朝圣之外，还能大歎美食等，每一日都过得很开心。
而因受眼疾困扰淡妆上阵的高海宁，在接受访问时提到现在眼疾情况时，她就表示：“好返八成，而家仲有伤口，希望快啲好，其实都几影响我嘅工作，湿疹又会肿又会痕，眼挑针直程唔出得镜，变相会影响到我演戏，我係对自己要求好高，我係唔想影响到工作，变相而家中西合璧（医治），希望好返。”扬言现已戒口戒得好清，会尽量去调节自己。
续问到会不会刻意减少工作休养，她就表示：“我谂要完成手头上嘅工作先，身体健康都好紧要嘅，拍埋《璀璨之城》之后，可能我会放个假，等自己休息吓。（自己会唔会做一个详细身体检查？）我有，每一年都有做一个详细嘅身体检查，我都注重身体健康嘅人，但有时有啲可能长期工作嘅压力、疲劳，会令到免疫力低咗，希望大家都保重身体。”
另外，提到早前经伦敦转机返港托运行李延误，而怒斥航空公司一事，她表示行李已到手：“好彩都冇唔见到，其实如果当日我唔係要开工，我都冇乜所谓。但个问题出在于我一落机就要开工，我一落机返到屋企要冲凉，化妆，我所有嘅化妆品所有嘅衫都喺入面，咁我借咗衫去呢一程trip 要还，但又喺入面，借咗人哋8、9日，其实应承咗一落机就要去还，但还唔到，即晚我喺香港拍完嘢后仲要去深圳开工，变相所有嘢都锁死咗喺行李入面，嗰吓真係有少少唔知点算，最后当然有其他解决方法，今次都係一个学习嘅机会，等我知道下次有啲重要嘢可以跟身。”
