《人生马戏团》资深男星揭“杨思琦钟嘉欣失踪之谜”
真相震惊网民 两女传遭辣手摧花摄制队被追斩 | 星岛头条
TVB剧集《人生马戏团》于2005年拍摄，2006年播出，剧集由陈浩民、杨思琦、唐文龙、锺嘉欣、欧锦棠等人主演。不过剧集最为人所知的并非剧本故事或演出，而是拍摄期间剧组在内地广州市番禺区拍摄时遇袭事件。有份参演剧集的欧锦棠离巢TVB多年，近日他在个人YTube频道“乜乜棠水舖”中重提当年事件，还原事件真相。
剧组为杨思琦唱K庆生出事
据当年报导指，《人生马戏团》女主角锺嘉欣及杨思琦，在酒家被袭后与同场其他演员及工作人员失散，二人走避到荒郊数小时后自行返回酒店。其后一直有传，二人遭人绑架数小时且被辣手摧花。
其实其中一位当事人杨思琦在2018年曾经出书谈及此事，她指当时他们一行人在广州拍摄外景，大家晚上到卡拉OK为杨思琦庆祝生日时遇袭，杨思琦形容这是自己最接近死亡的一次。当时有一群恶汉下车拿着开山刀等武器向他们衝过来，锺嘉欣拉着她逃亡，拖鞋甩掉也不能回头，她们最后躲在草丛半小时保命。
而锺嘉欣约4年前亦曾重提此事，锺嘉欣当时受访时表示被20名男子追，令她以为必死无疑。她说：“我和她（杨思琦）躲在隐蔽角落，有树枝包围才未被发现，那次我以为必死无疑，追我们的是帮派中人，大概把我们误认作别人，当时我祈祷，我不想死，我还要见我父母，孝顺他们。”她指当时瞬间一片安静，当她张开眼时，追她们的人已经不见，令她更加确信主的存在。
欧锦棠返港避过一劫
网上疯传多年指，锺嘉欣和杨思琦当时被人绑走数小时辣手摧花。近日欧锦棠在个人YT频道罕有谈及此事，他说：“嗰阵时就话要返去内地嗰度拍，喺番禺，有马戏团㗎嘛，有动物有杂技，我就住咗喺附近，距离个拍摄场地好近，成日都会实景拍摄，有一段时期就留喺嗰度拍摄，有时间我就会返落嚟香港做自己嘢。”亦因为他不时返港及与剧组分开，令他幸运地避过一劫。
欧锦棠称流氓斩见人就斩
欧锦棠说：“因为我哋多数都係日头拍，所以夜晚好多时，如果冇外景，啲人就会一齐出去食消夜。大家都会知道，中间有过不愉快事情，剧组畀当地啲流氓斩，唔係一个半个，係一班流氓，据讲係两架车，嚟到佢哋嗰日用膳嗰间酒家，喺二楼，两架车（啲人）落咗嚟就上去斩人，见人就打见人就斩，当然好多同事争相走避，夺门而出，撞烂对玻璃门，都有同事受伤。”
他续指：“不过有一样嘢，好多年喇。依家我就用我所知道嘅讲出嚟，当然大家会谂到，两个女主角，嘉欣同埋思琦，因为啲人四散，啲人追住你斩，真係四散，各有各走。人哋梗係讲到好唔好，女仔唔见咗、失踪咗几多分钟，跟住出现返之后冇嘢，怀疑佢哋遭受到一啲，辣手摧花，因为事后我返上去之后都有同个别有啲人倾过，无论喺我个别同佢哋倾，同埋喺新闻报导佢哋讲。”
欧锦棠清楚二人藏身地点位置
欧锦棠指，坊间传闻多年指杨思琦及锺嘉欣被人辣手摧花，其实并非事实。“两个女演员走，畀人追，佢哋走咗好远，因为当地啲街灯唔係咁充足，亦都有啲地方比较村落一啲，荒芜一啲，呢个我记得係思琦讲，畀人追，佢就行到一处有条桥，就跳咗落去，佢见到有啲草丛有啲垃圾就跳落去就匿埋。唔理喇，就拉阿嘉欣匿埋，跟住啲人走过咗，佢哋一路喺度匿咗大概超过半小时，真係肯定冇人回头，亦冇人行过，佢哋先走出嚟然后返酒店。”他形容当地街道昏暗，两人安全返酒店后指不知道匿处哪裡。
欧锦棠说：“殊不知呢，我好锺意独来独往，喺上面拍摄嘅时候，我係周不时会锺意周围行吓，我就锺意行去一距离住宿酒店嗰度，大概都有十几分钟嘅路程，如果行路。（嗰度）有个生果档，我会喺嗰度买啲生果返房自己食，喺得嗰度有生果档。去生果档之前，我谂相隔大约十呎左右，一条乾涸咗嘅河流，应该叫河床，因为冇水㗎喇，中间嗰度就有一条，普通，汽车就唔够，电单车、手推车过到去嘅一条桥，嗰条桥都係用水泥铺，上面好多泥土，睇唔清楚，好旧。”
他续说：“咁嗰个河床乾涸咗，所以生咗好多好高嘅野草出嚟，加上当地人将垃圾掉落去，嗰啲唔係一般垃圾，係大件嘅木板，一块块咁掉落去，有时有胶桶啊咁。就係有个咁嘅位，原来我讲嗰个地方，好多同事都唔知嗰度有生果卖。呢个之后我就听咗，思琦佢哋讲，话喺个度匿埋，佢话唔知嗰度係咩地方，因为夜晚，后来一路跟住街灯行返酒店，佢一讲我就知，就係我话我去买生果必经之处，嗰条桥下面乾涸咗嘅河床。”
