明报：张智霖拍月饼广告 自爆每年火烧怀旧白兔灯笼
张智霖（Chilam）早前为其代言的香港月饼品牌拍广告，透过其多元魅力又真挚亲和的形象，唤起大众对百年匠艺的珍视。对于中秋节，Chilam认为这是一个极具象徵意义的节日：“一个人月两团圆的日子，代表家庭成员应该get together，大家团聚一齐食餐饭，享受呢个节日带畀我哋嘅温馨，食吓月饼感觉更加有仪式感。”
广告商欣赏Chilam多年来在演艺界的努力踏实与亲民形象，无论在荧幕上还是生活中都以真挚自然、与时俱进的态度赢得大众喜爱，与品牌精神不谋而合。Chilam亦坦言不会随波逐流，享受活在当下，更喜欢现在的自己，会不停发掘鲜为人知的一面令自己进步、让自己和观众有新鲜感。
他说︰“我始终係一个跨越好多代嘅艺人，呢个係唔可以否认。可能到咗今日呢个成熟嘅年龄，反而好锺意搵自己里面究竟有咩未表现出嚟，而唔係去跟随潮流。活在当下，呢一刻尽力活好今日，将来就唔会后悔。喺工作上碰到新鲜对手、新鲜角色就会有唔同嘅火花出现，今次嘅合作已经係一种另类嘅火花。”
Chilam亦分享自己对月饼的喜好：“传统莲蓉月饼我当然唔会放过，但亦好锺意一啲新颖食法，例如叮热嘅流心奶黄月饼加球雪糕，好喜欢又冻又暖嘅感觉，每次谂起都想食！”广告拍摄当日，Chilam穿上围裙即席搓麵粉做月饼，有板有眼。他透露有空时会亲手下厨，锺情中菜烹调，大获好评。
他又分享童年时与家人共度中秋的回忆：“不论係我细个，定係我个仔细个，都一定会玩灯笼，仲要係最怀旧嘅白兔灯笼，虽然每次都会烧咗，但呢啲都係我好美好难忘嘅回忆，每一次都会会心微笑。”对于团圆幸福，Chilam认为知足最珍贵：“一家人知足係最幸福，唔需要拥有全世界。”
