明报：姜涛亲述堕海经过 谈身体及情绪状况 认曾服止痛药
姜涛发生堕海事件后首度公开现身，继今天傍晚出席MIRROR小组活动后，晚上10点20分到机场，乘搭凌晨机飞法国出席巴黎时装周。他于上机前会晤传媒5分钟，交代意外经过，现场企满几百粉丝举灯牌送机，他亦有走近粉丝堆挥手。
姜涛先交代身体状况：“冇事，医生已经帮我检查过，一切安好，唔使担心。”他称医生批准他出埠工作，自己也衡量过身体没大碍，只是被救起时手部割伤少少，今天如常工作。
被问为何这么快复工，他表示公司原本想让他休息，但他知道外间有好多猜测及传言，若果他不出来，恐怕谣言四起：“我意愿想走出嚟，话畀大家知我冇事。”
谈到堕海事发经过，姜涛先多谢大家关心，强调只是小意外，他说：“寻日纯粹係一个意外，因为自己喺跑步时，想坐喺海边，天气好好，想坐喺海边睇夕阳，自己呢排有少少唔舒服，想做下运动出汗，但做咗唔好示范，跨咗栏杆出面，平时见有人喺栏杆出面钓鱼Chill下，自己都想放鬆，但我起身谂住返去时，有少少晕，就跌咗落去（海），所以都係意外嘅嘢。（第一次跨这个栏？）今次係第一次，亦係最后一次，希望大家唔好喇，栏杆係有佢功效。”
有传事发前姜涛曾饮酒和吃药，他认有其事：“我食咗少少止痛药，因为头好痛，亦都饮咗少少酒，我谂唔係最大因素，最大因素係我唔小心。（有情绪问题？）情绪冇事，我谂大家太担心我，朋友、粉丝不嬲都担心我。”姜涛否认借酒消愁：“我好少会咁样，我唔会用呢啲方法消愁。”
姜涛表示本身懂游泳，但太久没游，加上事出突然，跌落海后才有意识，所以有点慌张 ，他多谢所有协助救起他上岸的人 ：“呢件事我都好抱歉，呢件事佔用咗好多公众资源，所以大家唔使担心。” 他承认也吓坏父母，事发返家立即跟他们解释事件始末。
MIRROR士多啤梨组分享会临时取消游戏环节，仅跟Fans合照，并在7月29日补办，姜涛解释公司不愿几位艺人太辛苦，但他与卢瀚霆、吕爵安和李骏杰又觉得，既然去到麦花臣场馆，不想粉丝失望，决定无论如何都跟粉丝见面，另择日子举行活动。问他有没有需要放大假？他说：“公司已经畀我放咗假，多谢。”
