女神配对计划丨曾展望海选片曝光关係飙升
叶蒨文冧爆闹剧组放入深情的人：我会好危险 | 星岛头条
女神配对计划丨TVB恋爱综艺真人骚《女神配对计划》播出后惹来不少迴响，新一代“爱回家CP”曾展望（GM）公开向女神叶蒨文（Sophie）示爱，强调并非顺应民意才参加节目：“我唔想做嘅嘢冇人逼到我，其实我好少咁主动，因为我怕瘀，不过我更加唔想你畀人追咗，所以我过嚟追你，畀个机会我哋试吓。”
曾展望海选短片曝光甜蜜度飙升
虽然曾展望曾因“太过进取”而令叶蒨文却步，在首轮约会上落败，不过失望过后，曾展望又再重新出发，再度公开表示：“我绝对唔会放过任何一个机会去捉住佢。”在第三集更大派彩蛋，叶蒨文的保护名单原来是曾展望，监制更在IG贴上曾展望海选的短片，结果令二人的甜蜜度进一步飙升。
曾展望一脸腼腆深情演出
《女神》监制莫文浩昨日在IG贴上曾展望当日海选的片段，tag了叶蒨文并说：“另一个不知道的事！”原来莫文浩顺从民意在社交平台公开了曾展望绝密面试片段！片中所见，起初有工作人问叶蒨文知不知他来参加节目，曾展望一脸腼腆地说：“我谂佢应该唔知，因为我见佢哋有send啲broadcast message，佢都冇send畀我，我仲叫人send畀我copy返，问佢仲乜唔send畀我。”接着再有人问有否准备30秒的魅力展示，结果曾展望清唱庾澄庆的《情非得已》，林盛斌拍一拍镜头叫并叫曾展望唱给叶蒨文听。
叶蒨文讚曾展望深情：知唔知我会好危险
片段曝光后，叶蒨文火速留言：“点解面试咁短㗎？！ 你哋团队搞咩㗎？！你哋究竟有冇好好把关㗎！ 好过分！ 将啲咁深情嘅人放入嚟！ 知唔知我会好危险㗎？？！”有人留言问叶蒨文：“感唔感动？睇到我哋都有啲眼湿湿，所以点解无send畀佢。”、“最危险嘅先最安全！”、“首歌完全反映晒佢心情同对你既深情！”后来曾展望亦有留言：“哇！大哥咁爆咩，我好怕羞喎呢单嘢。”有网民留言支持曾展望：“好希望叶蒨文谂清楚会拣GM，因为你会实幸福。”、“一个表面经常嘻嘻哈哈嘅人，其实内心好深情，就是怕受伤害才用嘻皮笑脸来掩饰， GM 真的很优秀，加油。”
叶蒨文公审监制：成日整到我喊
叶蒨文昨日在IG贴上监制的黑图公审对方：“好讨厌呀！呢个监制成日剪啲彩蛋同啲片出嚟吓我，拍你呢个节目已经成日整到我喊，劲Emo~~放假都虾我。今日都要剪段片出嚟搞到我喊，我决定公审你！未见过啲咁衰嘅监制，做嘢又落力又有心，搞到成日攰到周围瞓，份人又易相处、又有幽默感，仲要你团队入边个个都咁好人，个个都咁得人锺意，搞到我学识咩叫团队精神同埋领导才能！你有冇问过我想唔想学呢啲嘢？？仲有！你知唔知你咁样会搞到人哋觉得你好有人情味，觉得你同其他监制唔同，跟住好想同你疯狂合作㗎！你知错未？！仲敢唔敢剪啲片出嚟吓我！衰人！！！！！你出街瞓！”
叶蒨文曾展望有“生理性喜欢”
其实叶蒨文曾在直播上，曾网民问她与曾展望有深厚，但她说：“其实我同曾展望有一段时间冇见，佢都冇再拍《爱回家》，佢之前喺公司成日都嘻嘻哈哈，但係喺第一集开帘嗰一刻成个唔同晒，变咗我要啲时间消化吓，成件事对我衝击都好大。”叶蒨文又解释与李芷晴周嘉全最大分别：“佢哋一直keep住有联络，friend zone咗，但係我同曾展望有‘生理性喜欢’，其实4年前喺节目见佢，已经觉得呢个人几吸引，但係嗰阵我係有男朋友，所以冇再倾偈，之后合作《爱回家》都未有feel，係直到合作完一班大约出嚟玩，开始有啲通电，跟住佢冇拍《爱回家》，我哋又冇见一排，所以有一种好新鲜嘅感觉。”
曾展望为叶蒨文加入《奇情谷》
在昨晚（25日）播出的《奇情谷》出现一位特别谷友令曾展望喜出望外，直播时他甜笑表示︰“啱啱係 chatroom 有谷友话我知，有个粉丝喺屋企睇紧我哋，多谢你……”火火俏皮地问︰“嗰个係边个呀？”曾展望略带尴尬 说︰“嗰个係公司同事……”此时赖慰玲加入战团，笑称︰“咩呀，Sophie吖嘛，佢係我学生，佢係睇我唔係睇你，係咪想多咗呀。”虽然如此曾展望依然露出甜笑。昨晚Sophie在IG限时动态分享收看《奇情谷》的短片，令花生指数一直高企。叶蒨文跟曾展望备受关注始于恋爱综艺节目《女神配对计 划》，曾展望直言因为 叶蒨文缘故才自荐加入节目，真情直白令观众动容。
