王浩信回应上内地节目跳舞引网民热话：我觉得OK喎！ | 香港01
近年北上掘金长驻内地工作的王浩信，接受新城《QK玉瑛室》节目主持谭玉瑛（阿谭）和何基佑录音访问，祖籍新疆的王浩信于深圳出生，约半岁跟随父母来港定居，他自小在港接受教育及成长；浩信透露小时候放学回家，最爱收看阿谭有份主持的儿童节目《闪电传真机》，充满童年回忆，他表示：“见到谭玉瑛姐姐就有一种好亲切嘅感觉。”
王浩信又称4、5岁时经常跟家人回新疆探亲，去年亦曾回乡自驾游，大讚家乡，“其实依家乌鲁木齐已经好发达，商场好似中环啲大型商场咁靓。”之后继续自爆：“好多人仲会问‘你哋仲会唔会骑马返学’、‘你哋係咪识骑马射箭呀’，真係有人咁问！”
浩信入行前任职平面设计工作，他透露儿时曾想过做童星，可惜被家中最有权威的爷爷阻止，他表示：“佢话唔锺意个孙去电视台做‘茄哩啡’。直到20岁，我参加Neway卡啦OK举行嘅试音活动，当时唱谢霆锋嘅歌，跟住误打误撞入咗行，屋企人唔支持，但我瞒住佢哋签约。”
后来，浩信成功由歌手转型做演员，并于07年与汪明荃（阿姐）、胡杏儿及黄宗泽等拍摄剧集《野蛮奶奶大战戈师奶》，饰演“富二代”的浩信首次与阿姐有对手戏，他表示：“我紧张到手震，嗰时完全唔识演戏，係一张白纸，喺咁多前辈面前，我惟有尽力做，做到七成都好，阿姐可能洞察到我好紧张，佢话‘你放鬆啲啦后生仔’，仲手把手教我点演绎一个富二代。”
另外，浩信早前伙吴卓羲、郭晋安、欧阳震华及高钧贤参与内地网上直播节目，5位男星大跳《晚安大小姐》舞步，主持何基佑形容“网上有好多唔同声音衝击”，问浩信如何处理这些声音？他笑言：“我觉得OK喎！今日仲见到（网民）叫我去海底捞度捞，我都想试吓係咪真係得，我未去过海底捞见过咁嘅跳舞场面，真係孤陋寡闻。”
之后浩信一脸严肃，他指很多时一些表演或事情发生了，反而多了人去关注和讨论，但大众一是喜欢，一是不喜欢，总不能强迫对方喜欢自己，他称：“我哋尽咗力去做好件事就OK，好荣幸可以同呢几位前辈去玩吓，同埋的而且确当日节目数据对工作係满足到，亦都多咗人关注我哋，当下有两个字呈现出嚟，TVB出嚟嘅人係敬业，那怕几多岁都好，就係敬业。我觉得冇所谓，每个人都有佢年纪增长，继续与时并进做啲畀大家睇得开心嘅嘢。”
