吴若希戴祖仪游嘉欣被麦玲玲见识震惊：我哋连中流都不是，係下流 | 香港01
麦玲玲、吴若希、戴祖仪和游嘉欣最近为TVB全新综艺节目《寻欢作乐的姐姐》走访广州、深圳、上海、长沙、重庆等城市，发掘⼥性新兴市场，为观众带来最新潮、最顶流的旅游体验！
虽然日日由朝拍到晚，但吴若希、戴祖仪和游嘉欣都表示十分开心，更大讚与玲玲师傅合作绝对是豪华游：“有玲玲姐喺度，我哋支水都係百几蚊一支，抱住出街都惊俾人打劫！”吴若希更表示好过份：“直情係豪游团，我以为我哋都OK啦，都见识唔少，但我见识完玲玲姐嘅见识之后，原来我哋连中流都不是，係下流！”
讲到最难忘，戴祖仪就表示是四人一同出海：“同玲玲姐出海喎！”吴若希非常认同：“劲威，有冇幻想过玲玲姐着泳衣？”游嘉欣更剧透当时是玲玲姐穿得最单薄的一次，吴若希称：“除咗3粒钮，好劲，玲玲姐嘅身材！知唔知点解玲玲姐平时要收收埋埋？因为佢太爱何生，佢嗰个何生，佢话着得太性感，德哥就会杀咗我，唔得㗎佢！我明啦，原来成功嘅女人背后都有一个成功嘅男人！”戴祖仪更预告今次是史上最性感的一次：“今年我都大个女啦，係时候要展现吓啲事业心，所以大家会见到唔同嘅一面。
为节目置装最有难度：我打开衣柜係冇其他衫
讲道节目难度，身经百战的玲玲师傅最头痛的竟是置装方面，一向以招牌西装示人的她将会打破框框：“你知我平时啲衫，我打开衣柜你只会见到红色嘅嘢喺度，其实係冇其他衫，我屋企係冇长裤，我一路都係著裙，所以我好焦虑到底拍一个旅游节目，要买啲乜嘢去？一阵话去沙滩，我得啲shirt，变咗唔係好啱Feel，好似好傻仔，所以临时临急叫埋化妆师做埋stylist，叫佢帮我行街，行晒香港九龙同网站又好，搵一啲觉得我啱嘅衫。（今次好突破？有运动Look？）都係，起码有啲唔同，唔会当係啲玄学节目，我想有啲唔同嘅样。如果我好似佢哋嘅身形，容乜易呀，所以真係要搵，难度係喺度。”
玲玲师傅照顾周到 出钱又出力极豪气
节目玩齐海陆空，吴若希、戴祖仪和游嘉欣亦会以泳装上阵，问道玲玲师傅会否同样派福利给观众，她笑言：“唔好赶走啲客啦，我成日企图每一个都着返正装，等我自己靓啲。但我都会带佢哋玩齐海陆空，你都知我跑咗好多年内地，希望俾到啲特别少少嘅嘢大家。（啲朋友都好帮手？）好帮手，好多支援，有时要搵一啲景同人，如果冇陀地照顾住係难搞啲，同埋会照顾佢哋嘅饮食，成日见佢哋话好肚饿就嚟晕，我就买定啲水果送去酒店又会谂吓去边度食饭。大家都会轮住请食嘢，个个都有唔同嘅角色，好好㗎！我仲打算嚟紧搵架剧组露营车，有齐晒厕所、冲凉，有得换衫同补妆，如果唔係转几个地方拍摄，有时又全身湿晒会好麻烦，我决定要畀呢个福利大家。”
